其實準四星級酒店或是準五星級酒店，真係好老點。
第一：準幾多星級由旅行社自己話，其實酒店留意一下，是得很少酒店說明話準幾多星，但國內就在大堂前櫃台，通常也有一塊牌面標明該酒店是幾多星級，澳門、泰國、香港還要登記後才可用星級形容自己酒店來買廣告，但是；通常是新近落成的酒店才會說明是準幾多級或自己的酒店是將會是幾多星級酒店，唔通而家白天鵝仲話自己是準五星、準六星咩？
第二：參加旅行團入住酒店絕對有權由準五六星級酒店變賓館、馬覽或別墅，冇星又如何？去到唔係你吹得我漲！你咪投訴羅！"入住旅行行程內酒店，一切均由當地接待或以當地酒店準級為準" 你估呢個酒店業冇一個級數介定，旅行社當然知喇！不過你地唔知！所以咪比旅行社又老點成功！
第三： TIC 冇規管！如傳單寫明五星就要入住五星級酒店，但是準五星的話即是未係五星級酒店，但又沒說明是否只有四星級而未達五星級，所以分分鐘可以馬覽都可以是準五星期酒店！問你死味！
第四：或同級；你仲要間多幾句，要間個明白，同級是同級四、五星級酒店或是同級準四、五級酒店，所以小心！
當然出得呢D招數暨旅行社一定唔係大間，仲要是平價團，所以要參加某旅行社的旅遊行程，真是要問多兩句，同事又要問下朋友，親戚該旅行社同該團大約質數如何， 始終大間旅行社會好些，我只是說好些，到出得發時又要看運氣！

once cheated, no second time

所以參加旅行團，就好像下注一樣，好唔妤——玩睇釆數！

對樓主的講我有另外的見解：
1. 準幾多星級一定唔會係由旅行社自己話，每一個國家都有自己的評審標準。而國際上亦冇一個統一的評級標準或機構。以祖國為例，一般申請酒店星級（由申請到審批）所需時間可能長達兩年，而申請期間就可以用「準X星」來表示。所以如果係準x星級的酒店，門前一定唔會掛「準x星」酒店的招牌，根本亦冇咁的招牌。只會在正式批准後才會掛星級的標誌。
2. TIC 絕對有權監管旅行社在安排酒店星級的安排，如行程安排入四星或準四星級酒店，結果入住時只安排三星級酒店，經 TIC 查證後確實後，旅行社就一定會退回差價比團友。
3. 留意下現今旅行社的行程宣傳單張，超過99.9%都會註明入住XX酒店或同級的。

你單野最後結果又點呀？講來聽下。

所以我去旅行報名前都會上綱睇下D酒店