相信曾參加過旅行團的朋友都會去各旅行社尋找合適的旅行團的資料及報團，為了聖誕想出外散心，日前到銀行XX找資料，到了永X，有一位在咬香口膠的永X sales小姐前來招呼，先生你想去邊到旅行，想幾號出發？例牌開場白！

正當我想回答，我後面有兩位外國人，那個口咬香口膠的永X sales連忙趕去招呼，心想我都係客喎！唔通洋人勁的！那個口咬香口膠的永X sales 用了洋人及正牌港人都聽唔明的英文講：SORRY, OUR STAFF ONLY SPEAK CANTONESE ! 此句已修正過，但意思相同，那兩位洋人O哂咀！好冇趣地離開！我因此又變回 VIP！難道成間永X冇一個 Sales 識洋文？最勁係佢用洋文同洋人講唔招呼洋人！

香港真的退步了嗎？是因金融海嘯或是？剎時想起劉華的廣告，今時今日的服務態度是什麼？

那間分店？ 我去過元朗那間，服務態度都很差，只是印張單張給我看，連解釋都不想。

銀行 XX ， MK lor

金融海嘯唔係應該更加緊去服務同埋搶客架咩?

呢間公司懶高要求咁
兼職都唔請我.......

我連呢亭mk女都不如.....

你睇返八十年代的電影或漫畫之類

酒樓伙記唔肯沖茶,的士司機揀客唔識路,
中巴巴士佬鬧人....
我響94年做boy時,幫公司去銀行入數,櫃員小姐叫我自己寫入數字,
對白係:自己去果邊寫入數字啦,邊有人幫你寫?
我因為入世未深,真係自己走去寫...

家陣去到銀行咁好服待,我有d驚.....

13歲去拿回港證時,我見到入境處的職員鬧人....
鬧到唔肯幫一位仁兄做手續.....

我阿媽話生我時,響醫院問姑娘拿杯水飲都俾人鬧........
我早幾年入醫院,有男護同我講:你幾日無剃鬚,俾個鬚刨你哩?

以前聽老人家講,去差館或者房署之類見官,好似要求人咁先得...
我而家工作經常接觸政府各級公務員....態度好到....
有一次夜晚響街同朋友吹水,差佬走埋黎話:咁夜既?傾偈呀?俾個身份證睇睇...?

我之後問個朋友:你識條差佬架?咁好聲氣的?

朋友:唔識....!

年代唔同左
幸好我都總算經歷過少少....
今時今日都仲有d戒心....咁好服待係咪有陰謀?

可能真係有

可能帶歐美團果d出晒街...得番廣東短線團

可能系樓主誤會呢.
坦白講,如果間旅行社唔做鬼佬生意,當然系打發左個鬼佬客人先啦.

點解唔做鬼佬生意?

有生意都唔做

頭先我響黃金商場類似
有個鬼佬話要買插頭
問個女仔個女仔一味話:no....
個鬼佬本來想放棄想走

我問佢要乜,
佢話要買響香港用的插頭
我指左俾佢睇個款,佢即買一條電腦用的,
我話:電腦用架喎...佢話:就係要電腦用...

佢俾左錢後,我問佢係咪遊客
佢話係來做生意,每兩星期黎一鑊.....

真係蠢,我應該自己收左佢錢之後走人.......
因為呢單生意係有我先做得成....

兩個女士收完錢都無同我講聲唔該....

其實樓主是讚永記定壇永記！人地招呼你，見到外國佬講兩句就，就申Q開個鬼頭，立時招巴你，呢D咪叫招呼！你想下我地去到美國的的友仔有冇專登學廣東話就我地！去日本的日本仔，你唔講日本話，佢就乜都唔明，你就算講英語都冇用，一於大日本主意，你唔講日文就路路不通！去法蘭西一樣法國人明明識聽英語，總之一句：I don't know what are you talking about. ？比距地吹九漲！所以"永記"呢位伙計應記一功，身為大中華炎黃子孫，用番中國語文招呼老外，一則：向外國人說來中國國土不曉廣東話也要明白普通話，要不你滾蛋！二則：誓不底頭，為何要說英語來向外國人就范！我就是不說英語也不做你生意。
因為中國人有一種"奴性"，同時好多時見到外國人就怕，這位老友可惜生遲了一百年，早出世分分鐘歷史留名

又多了兩位大中華烈女，不講廣東話，便不做你生意，"我唔識英文你地唔好我"