其實聽咗好耐,唔想佢地咁!但真係不忍卒聽!無學識,無專業以前有米高頂住,都算啦,但現在沒有梁繼璋做,已經好多不足,但點解仲唔用個心及誠意去做節目?以前都唔覺貴花田咁多問題,但真係想講一句,佢真係無資格做主持囉!係師奶唔緊要,但既然要做節目,點解唔去增值吓,如果要聽佢,我不如落樓下街市!梁思浩!唉!既然講到自己咁好學,又點點點....,我想知道咩係{幾曾何時},成日都講錯,其他就係梁思浩啲FRIEND上來吹私人水,呃吓錢!曾志豪,就借啲意豪語錄講政治!

講哂我想講/你講瘋show退下來. 其實佢只要唔用瘋show個 名,思浩/花田攪 成点,都冇咁多回響.因為好/唔好都是佢2 個成績單.但瘋show倍伴太多人成長.(我是 其中一個,由蕊,米高開始).睇吓討論區,日日都有人批評.就知道真正瘋show迷絶對唔接受. 現在港台瘋show.

瘋show最大的問題係缺乏一個正統DJ帶住個節目 等於一部戲要有個靈魂一樣,梁繼璋就係瘋show的靈魂,而家瘋show冇左MICHAEL ,成個節目就變晒質 我覺得唔要嘉賓主持,要一個長期主持代MICHAEL個位,梁C浩同貴花田都係未夠班 佢2個係要有人帶住先可發揮所長

係呀, 成日話係全港最受歡迎節目, 真定假呀?不過無論幾差都有一班fans既, 連江尾儀都有人鍾意, 無野好講

我好細個就聽瘋show lu!由李麗蕊個個年代開始. 不過近排真係開始覺得幾難頂, 唔知佢地係覺得有下滑ke跡象呢, 佢地講ke內容好重怨氣, 好刻薄, 好難頂!
例如 : 好過俾銀行呃哂d錢呀! 有無攪錯, 我俾錢你, 你俾d垃圾油我個仔食.
思浩就係得個幾個point - 點解咁遲先出嚟講嘢?點解d消息咁遲先發佈?個point就係遲!
要聽呢d剩係識得怨同刻薄非常ke言論, 邊度都聽到 la!
想挽回人氣, 唔係靠鬧呢個, 鬧個個就得ga!

絶對冇興趣聽...........

梁繼章唔做有傳聞同B浩都有多少關係 ,上次MICHAEL上李志剛個節目聽得出佢都好唔捨得個節目同好無奈 ,始終個節目係佢湊大,我都聽左佢主持呢個節目10年有多 ,由佢同阿蕊開始,跟住有樓南光,好似仲有馬小玲先到貴花田,梁C浩聽到而家,最好聽同好笑都係佢同樓南光個個年代 ,而家個節目攪成咁,我都好唔開心,好彩近排有多2日豪仔聽 ,一個星期只選擇性聽2-3天咋

屍浩識o既英文只係得documentary
聽佢講呢個字都聽左6-7年

我覺得幽默攪笑講吓時事政治都冇問題,講真而家有邊個節目唔講政治?總之係個3個鐘頭內令到人心情開心返暫時忘記煩惱就已經足夠,唔好做到個節目剩係得個嘈字,完全冇內容....

因為無咗個靈魂,所以節目無晒方向,就地取材又學人講吓時事政治(在晴朗一天出發),講娛樂圈又學人爆吓趣聞(查篤撐),以前米高喺度使鬼跟人咩!
不過咁都好,証明咗啲人有無料,係人係鬼一眼睇得出!