先將他欄有人評老蕭元憶錄的貼文搬過來：

草民
一星級會員

發表於 2009-2-9 11:04 AM  
有人話過蕭生鍾意吹牛, 對比黃百嗚寫新藝城奮鬥史同元憶錄, 便覺此言非虛

兩者同是編劇創作, 相比之下, 黃百嗚將創作過程很清楚交代出來, 元憶錄頗有吹水成份


woki
二星級會員

睇元憶錄, 老蕭竟然將借人間屋拍戲, 整爛晒之後拍拍籮柚一走了之視為美談.
老蕭其實有無羞恥之心?

就係多得佢地咁做, 香港大部分人先會咁賤視香港電影人, 覺得佢地為搵錢只會捐人利己.

「老蕭不懂電影拍攝」？

昨天聽 (04/02)的《問乾坤》 ，再次證實我對「老蕭不懂電影拍攝」的懐疑。失禮，我有這個資格，入電影行早老蕭十年，兩大部門都做過：(編創及製片)，做過半部片導演、兩部小片監製。

我前年在人網討論區挑戰老蕭的言論(僅言論，私人上以及做生意方面，我是很尊重他的)，很多人不知道，對他最傷的不是政治言論方面，而是影視方面----窒住其中氣。

我懐疑，《元憶錄》無以為繼，多少與此有關。但我亦講過，我的批評，某方面係同老蕭拆彈。老蕭呢一輩人未死哂，未想過同行的感受乎？老蕭是讀歷史的，何必為了向那區區幾萬網民演嘢，而作大，而違犯歴史呢？

年前我在人網的影視欄，於搬動時變成html代碼版，好心的草民大聲呼吁救亡，我唏噓之餘不禁偷笑：唔將你兩大欄删去算俾面矣！(從未回應過草民，借此機會說謝謝)。BTW，此兩個甩頭甩骨的影視欄，一直有人進入點擊。

(1)

(後續)

我估你在那時的網名應該叫"舊電影人"
失敬、失敬

>>我估你在那時的網名應該叫"舊電影人"<<

是。"舊電影人"、"舊ATV人"、"舊電影會友"都是我，周身癮，無時停。周身刀，無張利。

「拍攝佬」怪傑V.s「度橋佬」

由於《省港旗兵》當年是一部經典，其幕後製作及籌備情形，亦是一個傳奇。源於主事者是拚命三郎麥當雄！阿麥可以說是影視界廿年來最不擇手段最死纒爛打的一個「拍攝佬」，而蕭若元卻是最與拍攝現場無關的一個「度橋佬」(1980末、90年代的永盛時代，不詳，因我不知)。

豈知若干年後述史，阿蕭好似變咗阿麥咁，大講拍攝佬嘢。相等於黃興述史，大講他所創的「三民思想」，好似中國無咗孫中山一樣。當日我在人網對此大加揶揄，之後阿蕭在節目中才不情不願地提返下阿麥。我從來未喜歡過阿麥，但阿麥是影視界的一個怪傑及梟雄，迨無疑問。

咁樣講啦，阿麥係一個傳奇，阿蕭唔係(指在影視界)，阿蕭將阿麥傳奇移情於自己身上，講講吓佢自己都信以為真！舉例，網友幾時聽過阿蕭吹噓過脫離阿麥時的邵氏作品(1982到)？(如江龍導演的《卒仔抽車》等片)。阿麥無咗阿蕭幫手，阿麥一樣會是一個怪傑(係辛苦D)。但阿蕭，假如無遇到阿麥，則不會成為影視界成員---港大畢業不可能去做編劇仔。

(2)

其實當年阿麥同蕭生係對Perfect Match
不過蕭生可能一D原因先至吹自己對影視界有幾偉大。
至少蕭生想佢個Pofo好D有成就D

都係建議蕭生做人網幕後軍師，其它既決策同節目質控交俾相關人仕同梁台長。

PS: 我個MyRa新星同學佢話仲未開咪。

鋤還鋤，老蕭做監製不是尸位素餐，電影畀冇死錯人的，尤其是永盛時代的監製工作。老蕭肯定係黃興，我的point係黄興係度吹噓自己的"三民思想"，就有D異相。下面會再描述。

>>不過老蕭擁有第四權-傳媒<<

呢一句似欠精確，老蕭出身press( news reader)，但點會擁有第四權--press呢(傳媒正式是指media，非新聞界)？有過短暫的玉郎公司的財經日報背景(80年代)---幫上市。創辦cyber日報(2000年)係電子日報，亦很短暫，且不算正規press。及後且被正規press鋤到焦頭爛額。

嚴格來說，近四五年來，老蕭才掌握了兩個哎吔大眾宣傳工具----人民台及myradio---兩者算不算是press/第四權，待考。老蕭成日以為hkreporter.com係"自製press"，實情人網就是一個科林。

論者的意思可能係老蕭多年來受到娛藝宣傳界(非press)的靑睞，keep 住被人提起。這是事實。第一，老蕭係有輝煌的過去，第二，老蕭一直活躍。但己不是在娛樂畀，應是名氣界。又或者論者的意思係指老蕭掌握了"自我宣傳工具"，但網台是小圈子，不足道。

我諗徒眾效應係另一回事，我開宗名義講，老蕭係一個叻人，是有戰績的，是黃興，這是最基本的。是一號人物才有信徒。人物吹牛和信徒又是另一回事，是信徒崇拜咗呢號人物在先，不是因為人物吹牛才崇拜人物。但有共嗚共生關係，你睇下人網上的"蕭生作品表"，撰寫者點會懷疑其中有灌水者。而吹牛者不一定由於徒眾，對住黃面婆都會吹一番，係不自覺者。