相信各位也看過蕭若元先生就曾特首在立法會對議員講 "我唔會同人 9 up 辯論" 而發表的所謂 "嚴正聲明", 而在本區, 也有多位網友詳細分析這文章以及無妄的修訂版, 我想從另一角度分析這文章.
首先, 全篇文章, 如果蕭生是想批評曾特首的言行, 全篇文章的批評方向, 根本是完全錯誤! 聽開 myradio 的朋友們, 都很清楚蕭生批評政府或者內地事情, 從來著眼於大方向, 言論一針見血, 曾特首以上說話, 要批評的, 不是
"...... 9 up ......" 呢兩個字, 而應該是
"我唔會同人.......辯論"! 試想想, 曾特首當日面對的, 是有全港數以萬計市民選舉出來的立法會議員, 他不同人辯論, 即是說我們的特首, 根本不會理會任何反對意見, 只想聽啱聽的說話! (連同人辯論都唔想!) 這樣, 就難怪為何當日落馬洲車禍, 特首面對家屬質問跪下哀求, 為何連一句非官腔的人話也說不出! 一個像蕭生一樣的時事評論員, 評論特首以上這話, 是否應從這方向批評 (無論有冇講粗口) 才合情合理呢?
非也! 非也! 蕭生這 "嚴正聲明", 完全只攞特首 "講粗口" 大造文章! 為何會咁樣? 可能, 蕭生從以往 "成功" 經驗 (例如笑陳冠希同鬧倪震等人, 令 myradio 及人網人流激增), 鬧人鬧得性起, 以為用這方向恥笑曾特首可以得到相同效果, 但蕭生根本忘記, 曾蔭權是政治人物, 怎能當他是陳冠希倪震呀? 你像黃毓民咁講兩三句, 笑吓佢學埋社民連作風, 還算可以, 但蕭若元, 卻要去到咁盡, 令人恥笑特首之餘, 卻不會對更重要的核心問題有任何反思!
另外, 蕭生在1月21日節目, 話 "9 up" 就係 "x up", 這一點的確冇錯, 而政府公告講為 "鬥 up" 也有問題, 但, "9 up" 這字, 當初, 也是因為要令這詞語文雅些少才 "創作" 出來的, 如果蕭生係要話 "9 up" 都係粗口, 冇問題! 之不過, 蕭生的好友黃毓民, 當日鬧唐司長 "7 到冇朋友", 黃先生話呢句係 "潮語", 在立法會講都唔會俾主席趕出議事堂, 但按照蕭生理論, 呢句一樣係粗口! 蕭生在恥笑特首, 是否一併恥笑埋黃毓民先生呢?
重有, 蕭生你恥笑曾蔭權講粗口就得, 但任志剛當日話金融風暴第二波會更厲害的言論, 無論是真是假, 都可令香港人有所警惕, 更小心理財, 不要再亂投資, 點解蕭生咁就可以鬧任志剛 "杏加橙"??????????? 呢句唔係粗口咩?????????????????
再者, 特首只講了 "9 up" 兩個字, 就當佢係粗口啦, 但蕭生 "嚴正聲明", 粗口更多! 咁算什麼? "你殺我一百, 我殺你一千!"???????????????????????????????????????????
還有一點, 蕭生在1月21日節目中, 講過佢唔介意人講粗口, 但曾蔭權是特首, 是公眾人物, 他是不可以講粗口的, 因會開了一個壞的先例, 蕭生又以自己做例子, 話自己報新聞和做電台時未講過一句粗口, 講到自己好清高咁, 好, 如此一說, 即是話曾特首在任何情況下都不能講粗口啦! 但是, 如果曾特首當時是對著一眾政府官員 / 眾司長 / 局長 / 副局長 / 保皇黨 / 民建聯 / 中國各地官員 / 溫總胡總等人, 當面講 "我唔會同你 9 up 辯論", 甚至曾特首不講諧音, 直接講 "X UP", 我可以保證, 蕭生到時一定大讚力讚曾特首講粗口態度正確, 大力表揚! 因為曾特首已夠膽同中央作對了, 至於曾蔭權講粗口會否開了壞的先例, 敗壞社會風氣, 你們覺得蕭生還會關心嗎? 而一眾人網的盲目支持者, 聽到蕭生力讚曾蔭權, 必定會一齊舉腳支持, 在人網內大聲疾呼,
"悍衛曾蔭權曾特首大人講粗口的言論自由"!!
最後, 當日節目, 蕭生講過佢寫呢篇聲明, 係因為大家面對現今悶局, 又改變唔到什麼, 只想整篇野俾大家開心吓, 但蕭生如果是這樣分析所有事件的話, 我真的不需要聽佢講, 聽商台 903 "晴朗" 同 881 "光明頂" 好過!