係! 完全係老千手法, 識咗成年既所謂朋友, 呃我話供3年就供唔供都得, 等份基金放長線當迫自己儲多份錢, 我問佢有咩費用, 佢話每年收 1.2%行政費, 每月6美元保單費 (呢份約滿退番俾客), 基金可自由轉換.
點知簽約買咗, 後來至發覺原來仲有每年 4%管理費佢唔講, 想 cut 單走人至知要扣晒成份約既所有費用, 因為我一開始俾咗一年錢, 佢話 cut 單係一個仙都冇得攞番.
我鬧佢點解當時唔講呢 d 條款, 佢死口唔認冇講, 仲話我簽得約, 就應該明白俾晒合約期所有費用係應份.
上咗嚟呢度至知, 唔只我一個俾呢頪老千呃, 所以大家要小心 "414" agent, 佢個 "101" 投資計畫係將個客 d 財富轉移到佢間公司度, 基金賺就分多你一份, 蝕都收一大堆乜費物費, cut 單走佢都收足未來歲月既費用, 不過呃客個陣係唔會講你知.