我媽咪單CASE, 想請教下...
Date: 16 February 2009
Time: 6:00 pm (around)
Venue: MTR
**************************
**************************
***************
媽咪尋日坐MTR去長沙灣station因為約o左姨媽
係果度等, 一齊去做yoga. 由港島線轉荃灣線o既車廂入面, 當時佢係企係板膠板位置(可以挨背隻果度), 佢係面向膠板咁企~去到佐敦有個年約廿幾歲男人入車廂用
背隻貼住我媽咪背隻咁企, 咁我媽咪就夾O左係膠板同佢之間抖唔到氣. 媽咪就出聲嬲佢做乜係都要壓落O黎啦, 果邊咁多位你唔企係都要壓落O黎, 個男人就話我係特登壓住你呀, 吹咩, 又用粗口鬧佢. 媽咪好辛苦咁迫返出黎(當時仲係比佢夾住O左)仲鬧佢你
宜家咩意思先, 做乜係都要夾住我, 你出O黎講清楚佢 (當時媽咪架車已經去到SHUM SHUI PO, 姨媽係呢個時候打黎比媽咪, 佢就講左同人嘈交呢件事比姨媽知就收左線). 條友唔肯出口仲講晒粗口"x你老母"咁樣就一拳打落我媽
咪度喇, 架車已經去到長沙灣站, 媽咪唔忿氣比佢打就話你做乜打我呀, 咁就拉佢出月台, 點知一出月台個男人就係咁一拳二拳咁打我媽咪(包括面,
額頭同頭頂), 媽咪當時比佢打o左幾拳就自衛地打o左佢一巴, 但已經比佢打到滿天星斗兼腳軟訓o左係月台. 有個休班警察見到佢打我媽咪就即刻走o黎制止個男人仲同
佢講, 我唔知你地發生咩事, 我宜家見到你打佢. 之後就call白車送媽咪去急症室.
我媽咪就係急症室驗傷, 照x-ray, 見醫生等等, 期間已經有女警同媽咪落o左初步口供. 因為我媽咪仲係見頭暈就要觀察下, 點知半夜就搵警車o黎車我媽咪去警局, 當時係唔比我地陪住佢要佢自己一個入去. 一去到就要我媽咪打手指模, 拎住個牌影相好似犯人果d咁, 但點解要做呢d野就一句都冇同媽咪講. 最後d差人話有第3者見到我媽咪都有郁手, 宜家兩個做法一係一齊告毆鬥, 一係和解, 咁我媽咪唔知係咪怕事就簽鬼o左張和解紙! 和解就要各守行為一年.
如果有比我媽咪打, 做乜唔叫條pk男人驗傷丫? 如果有出手係出於自衛, 真係告上庭會罰我媽咪D咩? 仲有休班警都見到佢打我媽咪, 有人證咁就已經可以告佢啦! 仲有點解d警察係差館唔同媽咪落份正式o既口供丫? 仲要一去到冇解釋就當佢係個犯咁丫?
