TOTAL 有106隻牌 (兩富pair + 兩隻鬼)
每人有15隻牌, 鬼係百搭, 最快出晒咪win囉, 好似大d咁
大d就計隻數, 佢就計點數既, 同大D一樣, 有PLACE既, 玩幾錢一點就自定啦當然
鬼係50點, Ace 係20點, J Q K 係10點, 2~10 照計
你要出牌, 就一定要有個 "証" 先 , "証"即係3隻或以上同花順, 由 A 2 3 ~ Q K A 都可以 , 當然你有更長的可以再長D啦 ~ 最少3隻
當你有左個 "証" 之後, 就可以出其他牌啦
出牌得3種 : 第一就係3隻或以上同花順, 即係同 "証" 一樣啦
第二種就係3隻或以上一樣既牌, 例如3隻9, 3隻ACE , 5隻K等等等等
第三種就係 "寄牌" , 即係例如桌面有人出左紅心9 10 J Q , 你有紅心 K A , 你就可以寄落去駁住佢啦, 又例如桌面有人出左5隻6 , 你有1隻6, 你又可以寄落去啦, (通常寄1至2隻既, 因為你自己3隻, 自己出都得啦, 洗鬼寄咩)
但係有D情況就算自己有3隻或以上, 都有機會寄既, 好似桌面有人出左紅心9 10 J Q , 你有紅心 5 6 7 8 , 但係D下路紅心牌都冇咩出過, 你冇理由開多條LINK俾人寄架, 人地揸住紅心9 10 果個會好多謝你 !! 哈哈, 明嗎 ~
除左出牌, 仲有摸牌同汁牌既 ~ 例如一開波, 你手上冇正, 咁咪要摸囉, 但係摸之前你要 "DUM" 一隻出去先, 佢同麻雀唔同, 掉轉既, " DUM" 左牌先摸牌, 咁下家可以選擇摸牌或者係汁牌既, 汁牌即係, 例如你剛剛" DUM" 左隻紅心10出黎, 下家有用既, 咁佢咪可以汁左你牌, 然後佢又 "DUM" 番隻出黎囉, 如果佢冇用既, 佢咪摸牌囉, 或者佢有牌出, 佢咪出牌囉 ~
例如去左最後, 你手上得番一隻牌, 又食唔到糊 (即係你手上果隻寄唔出啦) , 咁你就要"DUM" 出去, 摸番隻入黎, 直到寄得出為止 !
大概係咁上下啦 ~~ 唔明就問啦 ~