係咪太緊張呢??
小女27個月大. 剛剛請工人, 都幾醒目, 上班個多月, 做野幾好, 有交帶, 叫佢做野都做到我地既要求. 女女都肯跟工人玩.
唯一問題就係仲未放手俾佢獨湊女女, 未試過俾工人單獨對住女女.
最麻煩係我地2公婆返輪班工作:
如果2個都返晏 (1300 - 2200), 就叫外母上黎睇住, 或者帶女女返外母度過夜.
如果對更 (例, 我返0630 - 1500 , 太太返 1300 - 2200), 咁中間就有2個鐘無人, 就會叫外母上黎看住.
如果2個都返早更 ( 0630 - 1500), 太太情願前一晚帶女女返外母家, 都唔願俾工人湊一陣 (無理由叫外母0630 就黎到我地屋企.)
我就覺得反正請左工人, 佢又做野ok, 點解唔俾佢試下? 反而見工人成日無野做, 好浪費咁~~ (當初請工人就係為左女女唔駛住係外母屋企)
係咪太緊張呢? 還是唔應該太早相信工人呢?