我個bb仲有個幾月就出世la,想問下大家,生完bb之後有d咩唔可以食,咩唔可以做?聽人講又唔洗得頭,又唔吹得風,又唔可以食青菜,要戒裡樣又戒果樣,係咪真ga? 請大家指點下la...

坐月期間~
要盡量休息,唔好太過粗勞~
坐月唔可以飲凍野,食涼野..
洗頭最好過左12朝先,因為我自己都忍左十幾日先可以洗頭..
不過而家係d賣護髮用品既舖頭,會有D洗髮粉或者噴霧..
幫助D頭髮冇咁"立"
可以食菜心食橙,如果你唔怕榴槤朕味,都可以食榴槤..因為榴槤燥熱有助坐月..
等D惡露走哂..
就可以食薑醋同雞酒,
不過我之前係順產..唔係開刀..
我只係知道順產同開刀係有唔同既野~

初次見面，你好.

我都就生喇，預產係19/2，我D屋企人話生完後就唔好食"戶"頭，因為會令你下體痕，仲有羊肉，鵝等有毒的都唔好食。薑醋,燉湯等補品就要等清晒惡露先食。

如果喂人奶食既野係唔係又唔一樣既啦?

生完12朝最好食乜都加d薑去炒囉.  0個陣我奶奶煮飯我食, 乜都有薑架.  同埋話傷口未好唔好食牛肉, 同其他毒既野

唔好食生冷野囉, 不過我都食左壽司, 哈!

我冇唔洗頭呀, 大約1星期後就洗喇.  我覺得呢個係個人衞生問題囉

係呀, 千期唔好用力 & 唔好企咁多呀, 因為生完個子宮係向下垂左dd, 你要多d訓床等佢快d收縮番

我生左第一日反屋企即刻沖涼洗頭啦~ 只要用薑煲水就ok, 嗯~洗頭大約兩日一次~ 仲有要食薑醋, 特別系食薑同飲醋, 食d補野如雞酒, 豬肝水(止奶), 黑木耳(去瘀), 牛,鵝, 熱毒煎炸野就唔好食, 因為怕傷口發炎者(下體)..

甘你e院又點洗頭.??
好擔心呀...因為我生個時係5,6月...
驚生完會出哂大汗...冇理由吾沖澡&洗頭.......
但又旬處理得吾好,會頭痛...

有D人照足晒去做，我就冇囖~有冲凉洗头，用生水。。。
不过好多时老人家逼我地去做既野都是为我地好，呢D野係咪真应唔应该照做好难讲，
所以你自己决定囖~

我自己有好多野唔敢乱食就真，因为喂人奶，好惊自己食错野对BB唔好，尤其是中药/补品唔好盲目乱补~
如果唔洗頭/唔冲凉又要自己凑BB埋身喂人奶，我觉得最重要係确保清洁&衞生囖~

我都就生啦,都諗住餵人奶,但係就唔知生完係唔係醫院沖涼洗頭好~~~

你有精神就可以去沖涼洗頭. 不過洗頭就一定要即刻吹乾.
不過我住左 3日醫院, 都冇沖涼洗頭.只用熱水抺身. 因為太累.
次次餵人奶之前都抺一次身