呢晚去左葵芳架張智醫生度第一次照超聲波，入去前已經好開心，好期待
因為一向自己都覺得ｂｂ唔係好實在（我由知有左ｂｂ以黎，都未照過佢，到依家先同佢第一次見面～）

等候見醫生時，姑娘替我量血壓，期間問我會唔會急小便，我話：〔會呀！忍住唔去架喇！〕跟住姑娘笑～（小提醒：如果未照過超聲波架準媽咪要知道呀，照超聲波前最好係有急小便架感覺，充盈後，可以更清楚見到ｂｂ架！）

等左一陣，到我喇！
見到張智醫生，佢都幾nice，我係經呢度其中一位媽咪介紹去架，果然．．．佢真係一個好好架醫生！
首先問一ｄ基本資料呀病歷等，跟住就正式開始照超聲波喇！
張醫生照第一下已經話：〔好清楚喎～〕我心諗：〔梗係啦，我頭先急都忍住唔去～〕呵呵～
第一次見到ｂｂ．．．醫生話佢比我實際週數大，我實際週數係10w3d，不過醫生話已經去到11w5d！
張醫生話所以個預產期會由原來架13/9/2009，提前為3/9/2009！
我問醫生ｂｂ架size好唔好，佢話ｂｂ有4.89cm，佢好好呀！張醫生重話佢覺得ｂｂ住得好好呀！
一路照梗架同時，我好似見到ＢＢ係度郁，當中有一下係特別大動作架
我望住個mon，Ｏ左咀問醫生：〔醫生，係您舊野係我個肚上面郁，定係ｂｂ自己係度郁？？〕
醫生話完全係ｂｂ自己郁架！哈哈哈哈．．．我同ｂｂ爸爸都好開心！！覺得好神奇！
可能係因為未照時只諗梗．．．會唔會重好細架？ｄ手腳係咪重好短架？根本諗都無諗會見到佢郁！
wakakakaka，其實自己真係太孤陋寡聞！！我好想快ｄ感覺到佢郁！

由於醫生知道我手腳架情況，佢好好人主動幫我睇下ｂｂ架手腳～
雖然ｂｂ手腳實際發展方面未可以好清楚，不過清楚見到哂ｂｂ四肢健全，我好開心～
至於ｂｂ手腳實際發展方面要待20w左右先會睇得清楚，而且要等ｂｂ張開手板先睇得清楚．．．
但佢好好人一路安慰我叫我唔好咁擔心，一路數ｂｂ架手掌骨：〔1、2、3、4、5！〕並表示齊整！
聽左一陣ｂｂ架心跳聲！真係跳得好快喎！醫生話一分鐘170下！哈？？原來ｂｂ架心跳係咁快架？

呢次第一次同ｂｂ見面架情景好難忘同奇妙，醫生俾左張照超聲波架圖片俾我．．．
離開診所後，ｂｂ爸爸同我依然好興奮，由於我地重未一齊住架，佢急忙搵邊度有得影印 ，
想去影印第一次同ｂｂ見面架證據，好讓呢排佢得閒都可以拎黎望下同埋〔介紹〕俾佢媽媽聽，哈哈～
真係架！見過ｂｂ後，感覺實在得多，唔開心架野都拋諸腦後．．．
眼見著差唔多12週大架ｂｂ，係度手腳郁郁下，我慶幸自己當初無做錯誤架決定！
我希望有ｂｂ陪住我過黎梗快要面對架新環境，我可以為左ｂｂ而更有勇氣同決心～
我多謝作為媽媽架我，慢慢可以再感覺到ｂｂ俾我架奇妙體會．．．
呢ｄ的確係ｂｂ爸爸所不能感受到架．．．
我希望有ｄ媽咪依家就算好唔開心都好，努力捱過去，ｂｂ原來一路都靜悄悄陪住您架！

PS: 請問有無人知道ｂｂ比實際週數大左成個幾星期，係咪即係佢ｄ發育都ｏｋ呀？

我個時第一次同BB去照4D個時又係好開心, 照到佢周身郁,真係有D講不出既感覺~ 之後我仲眼濕濕 , 因為真係好感動 , 覺得自己真係要做MUMMY啦~ 肚裡面有一個小生命係度 , 覺得好奇妙~
你第時比BB踢到成個肚都郁既時候 , 你仲開心呀 ~ 有時會比BB踢到好痛 , 但都會好開心架~

HI,我個時都係好像你甘開心嫁~