第一次有bb, 但..
我男朋友離過婚, 已有2個囡囡8歲了(跟佢), 我一直都未諗過同佢生bb(我地拍拖一年), 因為覺得佢已經有2個, 我地大部分時間都冇避孕, 佢本身對於生唔生多個都冇所謂, 所以次次都抗拒避
早幾日我地鬧左交, 佢一直都冇搵過我, (4日) 我都冇搵佢, 可能大家都有d心淡唔想再一齊, 我同佢本身好多野都唔夾, 拖拖拉拉維持左一年, 中間鬧過好多次分手, 我媽咪都反對我同佢一齊, 佢認為可以揀個更好的既然唔夾, 勉強一齊冇意思, 同埋我媽咪都好介意佢已經有2個囡, 而且佢大我十幾年, 有時會有代溝, 我地三日唔埋兩日就鬧一次交, 好辛苦, 但係大家都愛大家的, 可惜雙方性格都太剛強, 我試過刻意就下, 但都好辛苦, 可能刻意改變自己性格真係唔容易, 我同佢都有嘗試就對方, 但可能真係火星撞地球, 點就都出現火花....所以一直都諗可能有一日大家最終都要分開,(佢都有咁諗過)
現在我發現自己有左bb, 覺得很煩惱, 唔知好唔好打比佢和好, 但又好擔心自己個選擇係咪錯, 我知道結左婚生了bb就一世, 所以我怕同佢一齊之後將來要離婚, 而且又唔想為左有bb先結婚, 但係bb又無辜, 而我同佢性格又太唔夾, 令我地維持咁耐只係因為大家暫時都仲鍾意對方..
以前有一段時間, 我曾經好想同佢生bb, 試過有2個月見到自己泥m 有種失落感, 我自己都唔明點解, 因為我明明就唔想生小朋友住, 而且我心裡都很介意佢已有2個小朋友, 不過放係心度, 一直梗住梗住, 直到最近, 我地既感情愈來愈惡劣, 佢開始變得暴躁, 我開始對佢反感, 例如:佢control唔到自己情緒
而家好矛盾, 都唔知落左個bb好, 定係打返去和好, 但如果打返去, 又覺得佢未必係同到我一生一世果個..應該點做, 我怕呢一刻決定錯誤, 帶泥將來無限既後悔..
