當我有左BB之後,我先知我之前的唸法系幾咁天真
我系一個好中意BB的人,同男朋友亦都打算今年結婚
所以都無避孕(可能因為我自己的家庭關系吾好,所以我好想有自己的小家庭)
系今年一月發現自己有左,果刻真系好開心,因為終於可以有自己的BB啦
但問題亦都隨之而來,原來原今社會好多人都接受唔到
我男朋友昨日亦都同我家人提出要結婚的要求(但未話距地知我有左)
我啊爸初初都無咩意見,只系同我啊媽講話我咁細個就結婚,出來做野到未夠2年
但點知距今晚翻來就大大聲感講,人地個個都話無可能感細個就結婚,一定系有料啦
仲話好在當初無比我繼續讀落去,做野一兩年就話結婚
我聽到之後好傷心好吾開心......
我都無打算結左婚之後吾養距地,做咩要感講野
我衣架覺得好對吾住個BB同我男朋友
因為我男朋友知我有左之後就好緊張,上網search食D咩對BB好
我吾舒服又幫我按摩,仲買左一大袋核桃整好放系個樽度比我食
果一刻真系好感動因為距真的好努力做一個好爸爸
我知自己要保持心情開朗,但我真系做吾到....
我好對吾住BB,因為我另距吾可以系祝福下出世.....

你阿爸可能唔識表達, 佢其實都會擔心你的, 呢啲都係溝通問題:

1) 既然你地諗住結婚所以有左都唔怕, 咁事前點解唔同屋企講聲呢?
2) 而家同阿爸講有左係"計劃"之內, 佢都可能唔信了, 咁就要比番啲信心佢: 例如婚照結家用照比(呢啲唔係市儈, 係父母都想享兒女福)...
3) 佢講嗰啲都係意氣說話, 你係佢個女就唔好同佢計, 大方啲, 叫男朋友成熟啲同佢傾, 你做媽咪了, 都要成熟唔好同佢頂頸.

不過聽你講你因為喺屋企唔開心所以想搬好耐, 我都唔知你阿爸係咩人, 若然佢講野都係咁難聽就同阿媽傾啦.....

睇開啲,唔好比人覺得你仲係細路女了...

你bf咁鍚你應該開心la..我而家陀緊第二個..我冇結婚,屋企人都好反對,but我冇理佢地,我覺得生bb係2個人o既事,我生第一個只係18歲,

即係你dad知道你有左??
你dad大反應都好正常,好似分手就一定會痛,時間耐左就好返咁,
每個仔女係父母心目中都係永遠的小朋友(我dad成日咁講),
嫁人wo....人生大事,而且你年紀仲細,社會經驗無咩,而且你dad可能放左好多希望係你度,例如見到個女名成利就咁,有邊個父母唔係咁想,
你dad有呢個反應就一定啦,
暫時接受唔到姐,比d時間佢,
到時bb出左世,一副外公款就沒事了啦

距未知啊~~~
而且我吾細咖啦,24歲幾啦
雖然話讀完書無幾耐,但由我17歲開始我就自己做PART TIME養自己咖啦......

我驚我過吾到........
有時會想放棄

我以前同娘家關係都唔好

我媽由我讀完書果刻開始就想趕我走

叫我快d嫁人唔好係佢面前眼冤~~

後來我自己搬走左....好少搵佢

最多係佢生日同新年搵佢食餐飯,電話都少打(基本上係冇)

直至我有左......話比佢知佢就黎做婆婆

我媽媽就180度大轉變,變得好關心我

成日打黎問我想食咩,佢整黎比我(天水圍拎黎九龍灣!! )

我地又約左明天吃飯了~.~"

好多時生米煮成熟飯.......

到bb出左世就唔到父母唔認命,乖乖地抱孫了

唔開心既野唔應該自己收收埋埋唔同人講.......

你應該嘗試同你老公分享一下,始終大家都準備要做人父母,要對一世的了

佢一定會支持你的!!  你唔應該諗自己對佢唔住!!更唔應該係佢面前扮幸福扮開心

夫妻相處之度貴乎誠嘛~~

樓主你得閒睇下呢度有好多人想有BB但都未成功, 你就會好感恩...

再睇下有好多唔同月份媽媽既分享...你就會好期待...

上一代人諗既野我地控制唔到, 但自己同下一代可以呀!!! 做下其他野準備下一步仲好啦...千其唔好放棄呀, 你24生BB係一個好好既年齡...

仲有呀, 遲啲你攪結婚擺酒仲煩呀, 唔係想赫你, 係想你有心理準備, 但過左呢關就係神仙