今日好唔開心＋勁嬲， 有Ｄ長篇，俾少少耐性睇
我新年果陣食野，唔小心咬到嘴唇，今時今日未好不特只，Ｄ肉仲增生左，搞到嘴唇腫起左一舊。老公見我咁，今朝捉我去睇Ｅ生，因為怕我細菌入血，唔知會發生咩事。睇牙Ｅ（有口腔科睇埋），話夜晚個專科Ｅ生先返，要我夜晚再去過。
返到公司，會計兼人事（佢係老細個妹）臨六點返到，我預先通知佢後日下晝要去產檢，佢就叫我下次要約上晝睇，因為想我晏晝返工。我果陣已經覺得好無聊兼幾好笑，做咩連我幾點去檢查都要管，第日我幾號生仔係咪都要佢批准？不過都求其應佢兩句就算
跟住佢又黑晒口面問我今朝做咩請病，叫我即刻俾Ｅ生紙佢睇，因為我夜晚都要再見Ｅ生，所以係未攞Ｅ生紙。佢見我無就好不滿問我做咩要請假，我指住個嘴唇話好耐唔好，驚有菌入血，佢即刻好似聽到一個大笑話咁：下，你就係為左呢Ｄ唔會影響工作既野請假呀？嘩，果刻我真係想爆粗。佢係Ｅ生咩？佢可以判斷我有無事？我扔低句：我依家仲要睇Ｅ生，聽日有假紙俾你睇。佢全程都係用質疑既眼神睥住我。問我去邊度睇，我話牙科，佢即刻覺得我吹水：牙Ｅ有得睇既咩？我無做錯，有晒證明，佢既態度真係好Ｘ街。擺明係因為我有病假紙而要俾返人工我而覺得唔抵，佢真係我見過最Ｘ街既人事   
夜晚見完Ｅ生仲 down，Ｅ生話可以用激光切左Ｄ增生組織，但我依家有ＢＢ，傷口有可能會埋得仲差過依家。如果我唔係有左，就已經幫我做左呢個小手術，佢建議我生左先做。但仲有咁多個月，依家係人都見到我個嘴腫左一舊  
個口搞成咁已經好唔開心，諗起聽日返工仲要對住條死八婆，灰爆

嘩...真係超pk囉....唉..香港地大把公司都有呢0的cheap人...你又咁唔小心架..咬到個咀..你應該見到成個星期唔好..就即刻睇醫生呀麻....拖到而家...第二..我覺得你睇多一個醫生...睇0下你個咀..睇0下比唔比到唔同既答案你同意見你囉..你唔好唔開心住...你有左 bb要開心...唔好為左0的cheap人唔開心...做好自己野先..唔好比位佢插你..講真...你老細個妹..即係屋企一齊做既工..係特別麻煩..我都試過...我而家乜都唔理..我都7個半月喇...生完先算..真係頂佢唔順..先搵過第二份工...你而家唔返工..佢都吹你唔脹..最緊要有醫生紙遮...佢又唔抄得你既...如果你生完佢玩野咪同佢玩囉...呢09咁既八婆..我都好憎....我支持你架 頂爆佢

我都試過好似你咁,個咀咬到而腫左,仲2次tim....

不過我個陣沒有你想得咁嚴重,都沒有理佢,只茶了點消腫藥膏,

我想茶下小小呢d膏,都係個咀到,應該唔會影響個胎掛...

唔好吃熱氣野,食野小心d,唔好再搞到佢,唔好成日手多多整佢,咁就會好返,

我之前都係咁好返的

嘩~~~~
d公司咁cheap嫁~~~~
勞工處規定, 產檢到診紙可以申請病假嫁喎~~~
無奶油扣大假~~~

嗯~ 系外表黎講系醜樣, 但都要開心d, 你既情緒會影響個bb以後既性格ga.. relax.. 睇開d, 特別對住個八婆梗加要開心, 唔好理佢, 當佢講廢話, 如果佢再質疑你, 你未話, 仲未見醫生, 所以未有住, 但听日有(醫生紙), 笑住咁講, 激死佢~

你公司咁PK, 你一定要依足勞工法例足夠D醫生紙, 費是比你公司抽後腳; 我見議你要留返個COPY比自己做REFERENCE, 以便日後需要!!

另外, 我都覺得你應該睇多個醫生, 睇佢係咪都係咁講先啦, 可能有其他辦法呢!!!

唔好咁唔開心啦....

返到公司對住D人,咪當佢發X瘋囉, 好聽的咪聽, 唔好聽咪當聽唔到囉!! 我成日都係咁GA 啦!!!

都吾明點解d公司甘pk...
雖然依家我冇番工...
不過我係呢到都睇到好多大肚媽媽番工都係比人蝦...
仲要蝦人o個d都係女上司!!
其實我覺得女人大肚都可以番工姐...都吾一定會影響到工作能力
點解要奇視d大肚既媽媽??
仲要係d女人蝦番女人....每個女人都有大肚既機會啦...
就係自己係女人先至知道d女人需要d咩....
點解仲要甘對d大肚媽媽???
呢個社會根本就有問題...
希望下一代吾係好似呢代d人甘....
(哈哈!!sorry呀....好似激動左小小...
有左之後一見吾順眼就咩都噪一餐...
嚇親人...)