大家好! 我依家已然5個半月了, 諗住依家多特價睇定d貴少少嘅bb野. 依家睇左架aprica 4輪轉向bb車 (model 720), 永安$4299八折, $3439, 大家覺得點?

(即係calccobed 700 4wf, 因為台灣model no. 和香港唔同)
xxxxxxxxxx嚴禁連結產品商業網站xxxxxxxxxx

因為預計佢會係大碼仔仔 (我5尺6高, 爸爸6 尺, 但依家就唔係肥左好多, 7磅左右, 但我諗佢好有大碼b嘅potential), 所以想揀座位闊d嘅, 同埋要輕身和單手開關, 之前見combi好似好窄, zooper又太重...

大家可否俾d意見?

引用:

樓主可轉為直接張貼相片。 如下

四輪３６０度旋轉車輪  ４ＷＦ


全罩型五面式雙天窗遮陽蓬


預防呼吸道閉塞型保護頭墊

另外, 其實bb車出世前買好d, 定係出世後先買好d呢?

我就打自出世前, 依家特價平好多,bb一出世有得用(其實初生唔係話咁多時間出街的), 如果擔心bb係大ｂ,可以等佢出世先去試都得

我自己bb下個月出世, 醫生話bb屬中至大bb, 所以我都考慮內籠大的bb車, 看中幾架, 打算月尾決定買邊架, 我揀的都是大車8kg左右比較穏陣, 因為baba揸車唔係成日會自已搭巴士

其實睇下你有咩要求, 我希望bb坐得舒服, 坐到3歲(旅行時一定帶bb車), 所以會揀架貴d質地好d, 如果打算大d換車, 就冇必要浪費錢, 可以先架平平地到時bb大d再揀過部好的都冇問題

我買咗呢款車，老實講我自己真係好鍾意架車，但係我的家人及朋友都話架車好大架，阻地方。如果你乘MTR都無問題，但如果乘小巴就大件事，好難上落車。

通常BB未滿月都唔會用BB車推佢，所以建議你生完先買，我家人及有些朋友買咗BB車都無咩點用，成日放在屋到，我自己就差不多日日用，推BB落公園。你諗真D自己多唔多機會用架車，而家好多大的SHOPPING MALL都有BB車借，D車都係名牌的，你可以試下在SHOPPING MALL借來用幾個小時，試下自己鍾意唔鍾意用車先。

以上款車話可用到2歲到，但我個B係中碼B，佢1歲半時就有些少逼，冬天穿厚外套時，個B一定要坐，如果改平睡雙手會夾住，唔郁得，好唔舒服噤，一定要除外套改蓋被子。如果你個B屬大碼，可能用歐洲款的車會寬D，但歐洲款就更難乘公共交通公具。

但APRICA在日本係出名過COMBI，因為佢地D路宽D，但香港路窄D，比較多人選COMBI。

ANYWAY, 我都無後悔用這部車，因為除咗大架難上車外，其他功能係最好，特別係避震和座墊下有個架仔可以伸出來，BB細時，雙腳唔夠長，你可以將個架仔伸出來，噤BB就可以平放雙腳，唔洗好似其他款的車噤，BB雙腳要左右擺無位放(我成日在街到見到其他BB係噤，你留意下)，講真大人吊住雙腳都會腳痺啦!何況BB。

所以，我本人覺得APRICA好OK架。

P.S. 係啊! APRICA有SALES在SAT/SUN在某幾間大商店到講解架車你可以去聽下，同埋她們有本好正的育兒指南，你可以叫個SALES送給你。

蔡bb，我睇過per perego，不過好重啊…Graco之前喺荷花睇過，但sales話佢d車碌冇防震的。

尋日去左永安睇左實物，架aprica好大架同實淨啊，又唔太重，同埋果度大部份bb野都8折，可以幾個月後先送貨，even送貨後一星期內唔啱用都可以換其他野，各位靚爸媽可以睇睇啊^^