今日返工等車途中突然頭暈, 咩都睇唔到跟住就跌係地下度, 差唔多成十秒先睇番到野, 呢刻先見到周圍有人但無一個扶我起身.....
我已經有左4個月啦, 香港人點解會變成咁
我仲跌到手腳都損左, 個肚扯住扯住, 唔知阿b有無事tim

無人幫你call 白車咩?....咁你點解唔去醫院呀...檢查安全d喎

妳有無事啊!? 有無睇醫生? 最緊要小心身體, 如果身體比較弱, 以後出街就盡量搵朋友陪.

香港人就係咁, 只顧自己!   坐巴士地鐵又唔讓位! 所以我都唔比太太自己出街! 返工放工都等我接, 雖然好多時都要喺公司等我, 但點都好過一個人!!!

記得以後要小心啲! 手提最好掛喺身, 有事可以即刻打 999!!!

其實依家有好多人真係可以扮咩都睇唔到架....
不過睇住個大肚婆跌左落地都無人理, 實在真係好離譜!!

希望您同bb都平安無事!!
可以的話, 去check下呀, 知唔知??

係咁上下啦

我覺得會做呢d事既人就係多事既人....好似我咁

通常你讓位or扶人......唔知點解係會有人用d奇異眼光望你囉

前晚返家搭巴士有個男仔訓到總站都唔醒,d人已經差唔多落晒車,

冇人睇到佢咁好似~我就捉住佢係咁搖~ 佢竟然唔識醒

嚇左我一嚇...跟住咪即時好大力咁搖佢.....(我以為佢暈左)

個死仔先識醒 仲好似好驚咁望住我..我咪同佢講,總站啦到左~就閃左..

我早幾日去中大同朋友影畢業相......回程搭火車轉地鐵返9龍灣

你放心啦~係冇人會讓位比我架~~我自己陀左bb,

先好清楚原來大肚婆真係唔企得!!係會暈既!!但係冇人理你囉~~

唯有自己睇實d死人都渣實d欄杆la~

香港人d公德心難聽d講句真係繼大陸同胞後就到我地最衰

你真係要小心d呀~~ 好多香港人都係咁架 , 我搭MTR都會揀卡同卡之後多位企既地方先上車 , 唔會祈望D人讓位比我 , 只希望D人唔好撞到我已經多謝哂啦~ 有D人真係咩都爭 ,爭落車 , 爭排隊 , 我一定讓佢地 , 仲同佢地講你先啦 , 雖然我大肚 , 但都會讓你先既 !!

哎呀,希望你同BB都無事啦!
咁真好離譜啊!無D人情味!
無一個人理都得0既?!佢地有無諗過如果人地又係咁對番佢地,會點樣啊?真可悲啊...
以後出街小心D啊,都係帶個朋友一齊出好D.如果無咩特別都係唔好周圍去喇.一切為自己同BB著想啊!

唉, 所以我都好嬲!!!!!!!
阿b出世會受d咩教育, 希望唔好比d學校激到嘔血就好...

係呀, 多謝大家關心  
心情好好多啦~~
大肚婆真係要小心d

依家真係咩都要自己睇住自己先得喇
我有一次搭地鐵，見到有個好老0既婆婆，腳震震咁，我前面有對學生情侶座係度，冇諗過讓位，跟住有個亞叔出聲叫個男同學讓位比ar婆座，點知個死仔鬧個亞叔多事，仲要鬧個ar婆"咁老都黎搭地鐵"........
跟住，成car車箱都冇一個人讓位囉全部扮訓.........

真可悲！

有左個幾月係商場成個人暈低,咁岩男朋友又係隔離
佢仲要望住我暈 側邊d人都係得個睇字
依家d人好似好冷血...大肚婆唔係人咩

另外果次都係岩岩有左3個月左右
好釆果日男朋友放假,同佢去超市買野,比錢果陣時
我果時就聽唔到野,眼前1白就成個暈到
好釆男朋友比錢果陣已經知道我就快暈
佢就拿拿聲唔比錢住飛過黎扶住我,好釆冇趺落地
跟住超市入面d人好似睇戲咁睇,係後尾職員羅左個野比我坐1坐
先好返,其間有d主婦都好好,都比左白花油我渣