你地生果時老公有冇陪埋入產房???
  我老公開頭好興奮咁話陪我入產房架~但最近問佢...佢淆囉= =
話驚~ 唔陪我入去!!我仲驚囉@@ 我5月頭生喇~~

我老公個時一早都話唔入............佢都話驚......
最後, 我生個日佢都無黎睇我, 因為8號風頭佢無船坐出黎~~~ 因為我一早就去左我亞媽屋企到等生........
個晚, 我都無咩唔開心, 因為知道自己要作戰啦 (生bb)~~   bb 要出世啦!!!

bb 爸爸一早話要陪產...不過最後陪唔到...因為我生時剛好老公在外地...
我係有少少失望既...不過向好處想...佢唔係到仲好...因為佢見到我咁痛...一定會勁擔心之類的...可以要我掉番轉頭安慰佢

我老公初初都話唔想陪產,佢話驚喎...
但我同佢講我好想佢睇座BB出世...
結果佢都係陪左我入產房...

我就唔係幾想老公陪..
因為我覺得比人睇住我生,,好似睇住我痾屎咁...
好核突-v-!!

我老公有陪我入產房生bb, 不過我事後好後悔叫佢陪我,
我0係產房痛咁耐, 佢就陪足我咁耐,
我痛, 佢又冇野可以做到, 眼白白望住我痛, 我覺得好精神折磨佢.
而且佢事後幾個月都仲有陰影...

我老公都有陪我入產房...
有佢係度冇咁驚...
叫你老公唔洗驚啦...
佢又唔係睇住你痾...有布遮住架...
果陣我老公都淨係望住我..