我2008年6月6號係威院生左個醜怪仔
6月5下午5:45開始肚...攪好晒野入到院急症室登記
之後去左個TOILET . 登記完上七樓 , 上到去會有姑娘同你CHECK幾多度
問你咩事入院 , 係肚痛定係見紅穿水 , 之後會叫你換衫入病房到等
果時可以出走廊到搵老公 , 但初初佢會搵D野貼住你個肚 CHECK BB心跳
叫你 BB 一郁就禁一下制 , 之後CHECK 完就叫你等度數開
果時我都仲有行出去搵老公傾計 , 到夜晚一點幾就痛到頂唔順番入房等
之後等到三點幾頂唔順叫姑娘幫我打止痛針 , 叫左好多次先肯推我落產房
果時仲係得一度多少少 , 即係度半左右 , 落到產房就冇得見老公喇
一個人係入面 . 間房都幾舒服 , 一個人一間房 , 姑娘會比笑氣你
叫你一痛就用鼻吸用口呼 . 又搵野聽BB心跳 , 一路痛....四點幾醫生黎人手穿水
痛到七點幾我求佢比我見老公因為老公要番工 , 叫左好耐佢先比我見
成晚一痛就叫 . 仲比姑娘話我嘈 話我嚇親其他媽媽 , 不過除左我之後真係聽唔到人叫
唔知係冇人定係姑娘搵野黎話我啦, 痛到我都唔知喇
七點幾老公入左黎陪住我 , 我唔飲得水 , 老公搵棉花棒濕水幫我抺口
到八點左右痛到我好急屎..... 一路叫姑娘黎都冇人理我 ., 之後我自己一急就用力痾
自己都知連埋D便便痾出黎 . 初初都好怕佢地會話我 , 不過真係好急又冇人理我
所以唔理佢喇 . 之後自己痾 , 突然有人黎叫我即刻忍住先SET 野同我生
叫我一痛就用力痾十秒 , 我HOLD 住十秒都好難 . 因為一痛就冇力生
痾左好耐見到醫生拎巴較剪 , 之後我就啊一聲....剪左
BB個頭出D黎又縮入去 ., 因為我唔夠力 , 去到九點三啊B先出世
生完就聯針 , 會用一支針吉你下面幾個位 , 吉果下都係比針吉咁...冇得別痛
聯針唔痛感覺到有野攪你下面 , 之後等姐姐推我上房 , BB因為出世發燒而入箱同去兒科
生完姑娘叫老公比電話佢幫我地影相 . 影完就叫老公出去喇
姐姐黎推我出去果時先見到老公 , 不過已經好暈冇同佢講任何野喇
只係話BB發燒入兒科 . 佢同我都好擔心 .上到8樓姑娘比左5MINS 老公幫我執野
之後要老公走 , 因為唔係探病時間 , 佢果到係5:30-8:30
生完冇幾耐有姐姐黎叫你話佢知你D巾巾係邊 , 佢會幫你著網褲同洗傷口換巾巾
生完幾個鐘會比個盤你痾尿 , 因為好多人都怕痛所以唔痾 , 但唔痾要見醫生同插喉
所以我都有痾 , 原來痾尿係唔那架.... 仲痾好多添 之後一直都冇咩特別丫...
想飲水拎唔到都可以禁鐘禮貌D請D姐姐幫手 , 初初未落到床都會好幫你
之後佢地仲會扶你落床叫你去洗手間洗個面 , 唔知點解人地話生完快D落床係好架
但我落床就暈到即刻上番床.... 比人話.... 人地BB冇事就會放係你床既則邊同你訓
叫你試下湊BB , 我BB因為發燒而去兒科打抗生素一星期所以我冇得湊
但夜晚DBB成日喊 , 因為初生兩個鐘左右又要食一次奶 , 所以DBB成日喊
夜晚訓得唔好 , 但D姐姐會教你點餵人奶 . 見你BB不停喊就會教你點湊,
會幫你睇下BB做乜喊 , 仲會見你辛苦會幫你湊一晚等你休息下
有姑娘同BB沖涼 , 有野唔明可以隨時問姑娘同姐姐 , 仲有講座叫你去聽 , 講湊仔經
夜晚仲會有姐姐推住架車入黎問你要唔要熱鮮奶添呀
總括黎講威院都OK . 不過邊間醫院都有好人同唔好既姑娘 , 睇你撞到邊個啦
