前幾日經過朗豪坊門口，見到D阿伯在地下放左D殘局，我睇了幾下就知道佢地係抄棋書果D，佢話30蚊一次，贏左就有60蚊，我睇左好久，都睇唔到，應該冇得贏，佢就一路串77，我就同佢講，如果你禁勁，我返屋棋拿電腦黎同你足，佢話好、40蚊一局，半個鐘之後，我用"奇兵2.4/2.6"同佢捉，讓佢行先，好多人睇，大約大半個鐘之後(佢一步想了幾分鐘)，"奇兵2.4/2.6"贏左，佢冇聲出，伸出40蚊比我，但我唔好意思要，但之前又講好左，最後我拿了20蚊當車費，走人。

嘩... 洗唔洗玩到咁盡?
經濟差都唔洗搞人檔野丫嘛..

街頭殘局只能用 激將法 引你試局, 怪人串咀無意思..

唔洗咁樣下化=.=
人地出黎搵個錢姐...
知道就當睇唔到,唔好理啦
多一事不如少一事

用奇兵開『後台思考』好食電和，樓主部 notebook 如果長開奇兵，只用電池可以用幾來呢？如果捉捉下冇電點算？

贏呀伯個局奇兵 set 左做思考幾多層呀，我好有興趣知？

有冇個局睇下呀？　

第1次聽依d~

老人家求生技巧不多，後生仔若不明搵食艱難，將來你開檔時亦不排除有人如法炮制。

自己唔係殘局ge玩家 無謂咁樣去拆人擋

你羸都係靠部腦 唔係你個腦

(我就一個自己睇殘局書 自己破完 整出黎比人玩果d人) 人地阿伯賺幾百蚊買下野食

你咁樣做好無隱 電腦高手!

希望你唔係次次都帶埋你部電腦同人捉象棋

估唔到 e 度 d人咁有人情味!
話晒棋佬都係搵餐晏仔, 睇開d味算囉!
講開又講, 果棋佬肯應承樓主用電腦同佢捉, 都算夠pop!

唉... 證明佢地已同時代 脫節.
唔知道而家d程式, 連好多特級大師都殺埋...

基本上就算囉個 手機版 象棋小巫師, 係花園已經足已殺光了~
唔係靠自己, 贏了也不覺光彩..

你估 數碼暴龍, 係度玩 玩具嘛!?