我想問 有冇人聽過applaws 呢隻狗罐頭..?

因為之前我隻狗 佢病左 醫生話要佢食罐頭濕糧易吸收d..
但係因為上網睇過之後知道hill's唔好..
所以搵左諗左好耐都唔知揀邊隻好..

之後去左pet鋪 個個人就介紹話呢隻sell全天然成份..
但係 我見到佢有加rice..唔係好知佢食唔食得..
但係都買左一罐用住先(因為食晒)

有冇人可以話我知 呢隻牌子好唔好架..
or 有冇更好既介紹for 天然成份.. ?
唔該大家幫下我...

我隻狗狗有都食過呢個牌子既罐頭...我覺得呢隻ok呀...

唔同出面果d咁打開一"pat"野...佢真係見到有肉有菜...

好似自己煮出黎咁架...不過可能真係太天然冇味精...

同埋我隻衰仔又衰...食開新鮮肉...所以佢唔太肯食...

其實樓主你不如試下自己煮比佢食啦...雖然有d罐頭係話天然...

但都副產品...加過工...幾天然都唔夠自己整既健康呀...

我只係同佢出街預唔岩時間煮先帶罐頭出去比佢食架咋

係呀..我買個陣 都見到 真係好似好天然咁
真係有肉絲 有菜.. 佢好鐘意食..

因為平日要返工 所以都冇咩時間親手煮野比佢食..
唯有搵D好既糧 同埋放假既時候整D好野佢食補返數...
而且佢先2個月多D 我唔係好敢亂咁比野佢食..
因為唔知佢身體受唔受到..

我以前養開大狗..
依家養細狗真係覺得自己好似咩都唔識咁
對於細狗岩食既狗糧 我又唔係好認識
所以都幾困擾 我都諗緊佢乾糧究竟揀邊隻..(now食緊Hill's)

如果APPLAWS真係好..咁我今日再去買幾罐先..
因為食晒喇...

唔好比HILL'S佢食喇...試下innova puppy啦...

不過呢隻糧唔係度度有...要打去代理問下你果頭有冇得賣...

其實如果得兩個幾月..不如試下買寵物奶粉開比佢飲...

都好有營養...好過食罐頭呀...一邊食糧一邊飲奶...

浸糧又可以用奶浸比佢食...

寵物奶粉
係唔係PAT鋪都會有架喇?

我尋日去左PAT鋪諗住買多幾罐APPLAWS..
但係個個人又SELL左另一隻叫WELLNESS比我
話好過APPLAWS
因為WELLNESS冇飯係里面..
我今日開左罐試下餵佢..
佢好似HILL'S個D罐頭咁 一PAT野..
雖然 都見到 有D豆呀個D 不過好少好少
ANYWAY 佢個包裝 寫到明 冇人造食素 防腐個D
又真係寫到好似佢講咁 真係好好
佢仲SELL埋我買乾糧TIM 話WELLNESS乾糧好好
真係投晒降搞到我好亂

係呀...奶粉係pet shop度買...

至於狗糧方面其實我都唔係專家...

我都係睇呢個版既狗糧的決擇架咋...

你得閒去睇下啦...同埋你講果隻牌子我冇買過...

唔知好唔好呢-0-

我果隻係食canidae...但轉左新配方之後d便便激臭...

所以會幫佢轉糧喇...而家諗緊轉innova定formm好...

我睇呢個版d人話solid gold同埋timberwolf都唔錯呀...

你睇下你去開果間pet shop有冇得賣啦...不過都要留意下係咪行貨呀...

好多pet shop都賣水貨...冇咩品質保證...

其實最好就唔好比佢食罐頭啦...一來有機會唔肯食返乾糧...

二來濕糧對狗狗既牙齒唔好架...三來價錢又唔化算...

所以都係選擇一隻好既乾糧比佢啦...

至於奶粉會唔會幫忙吸收我就唔清楚...

但你隻狗狗得兩個幾月仲係bb...比返d奶粉佢會好d...

奶粉入面會有更多bb所需既營養係入面呀...

食得好d...吸收都自然好d啦...

formm唔係話 有虫虫咩
我係另一個討論佢..好似見到有講過..仲POST埋相TIM..

其實我餵濕糧係因為診所個度叫架..
佢話食濕糧佢易吸收D
所以依家唯有餵佢食濕糧囉
之前試過濕糧+乾糧餵佢..
但係可能佢唔咬就食..
之後嘔返D粒粒出黎..
所以依家唔敢溝比佢食喇..

如果餵奶粉 會唔會好難餵?
佢好似對水 冇咩興趣

原來試過有虫... 咁我轉innova算-0-

如果你驚佢唔肯飲...咪用d奶粉黎浸糧比佢食囉..

奶粉有味...狗仔應該會好鍾意食..

同埋又唔驚d糧太硬佢唔咬成粒吞...

我依家比左d奶佢飲喇..
不過..唔知係唔係餵得太多..
佢嘔呀

本來屋企淨係餵兩餐比佢食既..
但係醫生話佢太瘦 所以 依家餵3餐..
早餐 晚餐 宵夜..
間唔中比奶奶佢飲..
但係尋日發現佢嘔返d糧 有時就係水出黎
頭都大埋...

Is Recipe good for daschund?
Hello,

This is my first time.....in this site

You sound very knowlegable about dog food. My daschund is 11-month old and used to eat Recipe - Puppy, lamb meal & rice formula. I wanna change to adult food when she is 1-year old. I heard that after a certain period of time, you need to change the brand. Is it really necessary?

Looking forward to receiving a prompt reply.

Merry Christmas,
hipbird