養狗真係要三思(3)完結篇
本人從兩隻收養的狗仔,由病到死所吸取的經驗及教訓,另本人深刻體會到甚麼叫做(麻木不仁,和見死不救!)我回想在元朗東X獸醫診所,我曾經要求他們協助本人尋找有輸血服務的診所,點知獸醫同我講如如果由診所轉介,收費會貴好多!所以建議我最好自己搵,當我步出診所後約五分鐘,想再搵獸醫問清楚,點知獸醫已從另一門口收工了.至於旺角的廿四小時診所,那一位外籍女獸醫,佢同我講如果我負擔不到醫療費,建議狗仔人道毀滅,我心想你身為獸醫,居然講呢D說話!獸醫唔係以救動物放在第一位先,好似我哋呢類收養狗仔的人士,我哋時刻都係抱著一個信念,就係要它們活得開心直到生命結束為止.我哋眾多收養狗仔的人士,天天為那些無家可歸的狗仔,不論時間和金錢都做緊好多無施奉獻,但身為獸醫卻做不到.此外,我問過一些做醫生的朋友,他說原來狗仔輸血都要配合血型才可以輸給患病狗仔,否則患病狗仔的血液會排斥外來血液,這樣只有令患病狗仔情況轉壞,這樣,我才明白點解我的狗仔輸完價值$3800的不知名狗血後,情況不但沒有好轉,反而全身變黃,個女獸醫仲同我講可能係我隻狗仔體內細菌太勁,引致輸血都無用,我的醫生朋友同我講,大部分獸醫只懂做普通的絕育,駁骨,肚痾,發燒及皮膚科等,一去到心臟,肝臟,腎臟及腦部問題時就已經只是靠估了,最後當他們醫唔到時,就只建議你們幫狗仔人道毀滅!所以本人最終希望那些預備養狗的人士,分享完本人的經歷後,真係要三思清楚後才養,在此,我亦衷心祝願那些因被(呃錢獸醫)醫死的狗仔早日安心上路,我會晚晚唸經俾你哋!他日有緣我們定相見,再見!
