被Now TV 取消戶口...(請耐心睇一睇...)
事情是這樣的.
小弟每個月俾緊$539 (連$38租STB). 都算係高消費既Now TV用戶. 但竟然被Now TV咁樣砌法..
小弟岩岩回港, 係外國逗留左三個月. 我係用信用咭做Autopay的. 自己唔醒起個張信用咭其實己經俾我飛香港之前己經Cancel 左 (個時仲未記得).
返到黎香港, 發現有好多封Now TV & Netvigator 過唔到數既信. 咁我即刻試下開Now TV, 發覺個Modem無埋個Signal. 跟住我就即刻打上台, 諗住叫佢開返.
我解釋成件事俾個CS聽. 以下既對話:
我: 唔該, 我己經交返哂所有outstanding既錢, 可唔可以呢家幫我開返?
CS: 唔好意思先生, 因為你個戶口己經取消左, 因為欠款太耐了. 所以要約個師父去機樓先開得返!
我: 哦, 咁幾時可以按排到?
CS: 幫你睇睇...最快要星期日喎...
我: 下...唔可以快0的咩? 我等住睇波..
CS: 先生, 其實己經按排左個快期俾你, 正常要一個星期
我: 哦..咁算啦...
CS: 仲有先生, 因為你個戶口取消左, 所以價錢個到會有少少唔同...
我: 即係乜野意思?
CS: 因為你呢家訂左既台, 睇波既台己經加左價, 所以會唔同左..
我: 即係點? 我平時每個月$539 (包埋$38租STB)
CS: 先生, 因為你個戶口取消左, 所以我地電腦做唔返之前個價俾你..
我: 下..有冇搞錯呀..你地封信話Service Suspension, 無話Account Cancellation 喎...
(跟住嘈左一大輪...)
CS: 其實幫你計左, 每個月加多$40, 因為Now sports 加左價..
我: 咁我想問可唔可以轉其他台? 我會俾新既價錢, 但我想轉其他台...
CS: 唔好意思先生, 唔可以轉其他台, 因為你仲有合約..
我: 下...咁即係你地呢家話乜都得架啦? 你地Cancel我戶口都無同我講, 呢家又話要加我價..有冇搞錯呀...
CS: 先生, 其實如果你每個月準時交錢, 咪無事囉..
我: 你理得我幾時俾錢, 最大問題係, Now 無係書面上 or 電話通知我話會Cancel我戶口...
CS: 啦..先生, 我唔想再同你係到嘈啦...
我: 小姐, 首先一樣野, 你做CS, 永遠唔可以講"嘈"呢個字. 大家係到討論件事...我唔知你點Training的.
CS: 對唔住先生....
我: 咁呢家..我乜野都做都做唔到架啦?
CS: ......
大至上就係咁...你地話Now 有冇搞錯...我覺得不滿既地方:
1) 無係書面上通知我, 話會Cancel Account , 會影響價錢. 只係話Service Suspension
2) 我都係第一次咁, 電話都無個..打黎...
大家覺得點?