> 咩叫羅馬大禮彌撒?
> 我係輔祭..想知多少少
今日我地全球通行o既彌撒係梵二六十年代禮儀改革之後o既通行拉丁禮, 即係主祭面向教友, 用本地語言, 當代歌曲, 同大量教友參禮o既元素, 係依個通行o既羅馬拉丁禮之外, 教會仲有拉色丁(中東)禮, 東方禮(希臘, 東歐, 非常像東正教), 等等.
通行拉丁禮係梵二之前, 除左講道, 係全程用拉丁文, 同額我略聖樂, 咁你地輔祭(六品)多好多野做, 代教友對唱, 對經, 好多禮動作, 當然, 協調得好係好靚好神聖o既, 不過教友對左幾句"也與你的心靈同在"o既拉丁文 Dominus vobiscum , 同畫幾下十字企坐跪, 就無咩野參與, 主祭又同你一齊面向祭台, 所以以前叫[望]彌撒, 因為真係除左望就無咩具體野好做. 依個就係梵二之前o既通行拉丁禮彌撒, 如果由主教主持, 就大件事啦, 叫主教大禮彌撒, 更加隆重, 神聖感更濃.
原本梵二後, 依套舊禮就無再用, 因為全力使用本地語文彌撒, 舊禮不再通行, 不過新禮儀又出現好多問題, 例如老教友不滿, 又有反改革份子分裂教會(聖庇護十世教團) 自行維持改革前天主教會舊模式/舊禮, 另外又有人胡亂本地化新禮, 又有如同聖座失去聯繫多年o既中國天主教, 仲有好多堂區跟唔上改革, 用舊禮.... 依d禮儀矛盾直到先教宗John Paul II喻令可由當地主教批准, 按情況舉行, 及同最近教宗本篤, 批准重新準用舊禮作為特別形式而無須主教批准, 先至有改善.
教宗本篤批准最近重新準用舊禮, 不過係有條件o既, 舊禮稱為拉丁禮特殊形式, 不是用來復辟同反改革o既, 而為左照顧教會仲有人須要舊禮o既事實, 同防止進一步分化o既, 而且係梵二改革落實得比較好 o既地方, 如亞洲, 拉丁禮特殊形式彌撒(舊禮) , 係無咩影響o既, 因為梵二彌撒推行得好成功.
係香港, 天光道鄧鏡波學校係定期星期六舉行特利騰彌撒(舊禮)o既, 黎緊依個星期日, 仲有澳洲一名主教黎主持, 即係[主教大禮彌撒] , 真係好應該去睇睇, 睇完包你想輔祭舊禮.
不過平心而言, 我經常同時參完舊禮, 又番去本堂參本地禮, 因為神聖, 感觀一流, 但真係無參彌撒感覺, 似睇野多d, d拉丁文我又對唔到, 幾時做咩我又唔知.... 只有在坐一班頭髮銀白o既老教友知神父做咩, 真係無計.
舊禮係有佢存在理由, 不過必定完成其歷史任務. 睇得就好睇啦.
p.s. 舊禮正名為Tridentine Mass, 即脫利騰彌撒, 或特倫多彌撒, 又或傳統彌撒