>找代父母, 洗禮紙會有佢個名,
係香港唔興姐, 外國都有所謂god father, god mother, 都係為左有個前輩(唔一定年紀大個你o既, 只係早過你入教姐)做你嚮導, 洗禮紙會有佢個名所以你唔中意? 有咩問題? document一張姐, 你係加入緊一個大公教會, 一個整體性o既基督徒團體, 有前人帶新人姐問下野都唔會唔知問邊個, 唔係好似你想像咁一個導師學生咁, 你完全唔洗担心.
>要改聖名等,又有念珠,聖母經... 我想問聖公會有無這些東西????
改聖名即係代表你新o既人生階段, 比個你喜歡o既聖人姓名, 佢地都係你前輩, 又唔一定聖人名o既, 又有咩問題呢? 聖公會當然有改聖名, 依個係由聖經都有好多人係上主召叫之後改個名, 代表舊o既已死, 新 o既人生開始.
>念珠,聖母經
依d都係玫瑰經一部份, 其實玫瑰經係二十個福音片段, 係拜耶穌唔係拜聖母wor, 你驚咩呢? 你點解唔同慕道班老師傾下依d 問題呢?
聖公會都有依d野, 香港聖公會係low church派, 所以唔興, 外國聖公會好多high church派, 就有依d野
>此外慕道班的同學年紀較大,聖公會會年青D嗎???
well, 你是參加朋友俱樂部, 交際識人, 還是尋求主的道理呢? 聖堂是拜神地方, 識到friend係好事, 但係諗住黎識番d朋友, 你返聖堂o既目的有d偏差播, 天主教係主要黎崇拜天主, 唔係黎識friend, 你接受不了同老餅一齊上堂嗎?
>天主教慕道班要上很久...?
既然是一生的信仰, 花個一年半載了解你信什麼不是過份吧? 是, 天主教慕道班至少一年半, 你要快, 可以去浸信會, 幾堂至幾個月不等.
>我又感覺天主教比聖公會,人同人的距離較遠!!
無錯!
你feel得好arm, 天主教真係無團契, 因為天主教強調大公性, 依d圍起一group人自己一圈o既野係好少, 有善會, 不過係幫聖堂做服務o既小團體, 唔係照顧自己o個group仔自己人.
>天主教好似少查經班同團契!!
至於幫助信仰成長o既活動其實都好多, 不過分布係唔同機構, 天主教依d活動係為所有教友o既, 所以唔興小圈子, 依種小型團契有佢o既好處, 但又有佢問題, 就係人際之間太緊密, 太固定, 好易成為是非小圈子, 好多人離開教會都係有依d團契問題. 天主教徒係要好主動o架, 因為強調大公性質, 所以無依d 固定小組維持, 如果你一疏懶, 分分鐘信仰都無埋, 依個又係天主教o既問題, 團契同無團契都唔係完美, 最重要係你自己有無心, 不過天主教都有好多聖堂有由教友組成o既小團體, 讀經, 分享等等都有, 不過可能太內聚性, 其他人唔知姐, 我個間聖堂咪無law,我好自由自在無依d小組播, 我拜神, 唔係黎會員俱樂部. 我好ok播.
>因我本人喜歡傳統教會,性格不是很外向的!!
天主教咪傳統到爆law, 唔外向更適合你啦.
你攪清楚你目的自然就無問題, 如果你想要好熱鬧, 好強o既小組團契生活, 有人帶有人個個星期關心你, 咁好老實, 天主教係好自發性同自由o既, 的確好少依d 野.
