有時在教會因為講野唔經大腦，講左自己D野比人知。
有人會選擇幫我保守秘密，有人會將我的事和他人分享。
幫我保守秘密的人會覺得人家的私隱不應和人分享。
而將人的事公開的人會覺得事無不可對人言。
究竟誰是誰非，真係好難下定論。各有各的論點。

有人會好開心朋友將自己的心事和他們分享，亦有人覺得向人訴說心事的人是博取他人同情。

和人相處真係一門高深的學問，好多事都係一念之差。

有同感。講另一件真人真事。
有個best friend返開間小形教會，佢有次去左叫雞，之後好懊惱，去搵牧師傾，個牧師叫佢以後唔好去叫雞（當然仲講左好多野啦，略去），仲叮囑佢呢d野可以同牧師傾，但千祈咪同其他弟兄姊妹講。其實大家心照，一講親一定一傳十十傳百，後果嚴重。牧師都係為佢好。
我聽到就百感交雜，心諗，理論上教會或小組唔係就係比弟兄姊妹去分享面對既野，然後彼此support既咩？點解去到呢d位就千祈唔講得？
由此引申，教會好多野都只係理論就講得好大聲，實際係行唔通或有限度可行。

有人既地方就係咁﹗
教會啲人黎自五湖四海，咩人都有，比其他大公司機構更複雜﹗
而且黎既人各有目的，就算係牧者都會係咁，教會冇聖人咖﹗

神安排有缺點既教友係你附近，　係要你學識唔好以自己為中心，　以神為中心去造就其他人.

人與人之間失去彼此信任, 原因有好多.

從來無人話過去教會就要將自己所有事都同人分享, 就算係十二門徒, 都唔見得就互相心靈相通. 講到底, 教會之中人與人之間要真誠互相分享, 最關鍵係大家都要有愛. 呢到提到既愛, 唔一定係認同, 更加唔等於接納, 而係希望對方得到好處. 正如#2的best friend的遭遇那樣, 牧師怪責他, 這是對的, 但目的不是要顯出自己懂得真理, 而是希望那位弟兄離開罪. 他吩咐弟兄不要再對外說起自己的事, 目的也是為了他的面子. 他想這個人改過.

無論任何地方／群體, 人與人之間的相處都係好深既學問. 最先要學既, 就係唔好利用左別人既信任, 當別人願意同自己分享既時候,  除非係為左人既好處, 否則唔應該隨便同第三者講.