在日常社交場合中，常遇到一些新相識的朋友，他們會有意無意間強調自己是基督徙；我本人就對這些人非常反感，我唔覺得基督徙在道德操守上和一般人有何分別，而我想和你做朋友亦完全和你是不是基督徙無關！

再者，對於一些宗教團體借助一些對社會有貢獻的人仕作出過大的宣傳亦有所保留；例如沙士時期的謝醫生，我個人覺得她的離去是她作為一個醫者神聖的天職，這和她是基督徙又有幾大關係呢！

最後我想問一句：「現今社會是否想說明基督徙是高人一等！」。

如果表明「基督徒」身份o既目的，只係為o左o係某D場合或群體得到好處
(唔一定係物質上，而可以係名譽、優越感方面)心態上的確有問題
但當基督徒想表明身份，係反而想更加多人「監察」自己行為、言論，
變成因為唔想損害基督徒/基督教、甚至係基督o既名，好更加做好自己，
咁唔好咩？

依d說話一點也不特別，只係你敏感，

如果佢講以下說話你會唔會無咁大反應：

我作為一個mac友，唔好同我講ms windows無得彈...
我係元朗人，我唔多去南區....
我作為一個民主黨o既支持者，我唔同意你對民建聯o既意見...
我係一個mini仔o既fans，個d大發仔好cheap...
我作為一個自由派，我立場係，你依d對同性戀o既觀點直情係不知所謂...
我係一個.....
我作為一個....

基督徒只係代表佢受左洗，接受左耶穌基督為佢地既救主，
冇人話基督徒係係聖人，相反佢地會比一般人接受更多試探，犯錯都會比人多﹗
亦都冇人話基督徒係一定會上天堂﹗

咁佢真係受左洗係基督徒，唔通收收埋埋唔可以話比人知﹗

一個真正既基督徒同普通人真係有好大分別.

神心意既基督徒，係應該要跟隨耶穌，以耶穌做榜樣。
正如警察既本義係除暴安良，但有個警察走左去打劫、非禮，咁唔代表警察係衰人，只係個個用警察身份去打劫個個人犯罪，另警察蒙羞，所以警察既本義依然係正面既。

所以唔係基督徒有問題，只係個個假慕為善，只稱自己係基督徒個個人有問題，另到神蒙羞﹗

我們要分清楚究竟係神叫基督徒去犯罪定係人用基督徒既身份去犯罪﹗

人地鍾意講自己係基督徒又好、天主教徒又好、
回教徒又好、佛教徒又好，
最重要看是他個人行為、操守、言行，
是否合乎它所相信宗教的教義。

不過，不要忘記大家都是凡人，
只要不是極端歪曲該教教義的思想，
我想所有人仍然有權力繼續去努力學習
切切實實做一個好人

好多基督徒, 道德有不足之處就俾人鬧, 仲鬧埋佢信個上帝, 無人會包容佢地需要成長.
我真係唔明白D人拜黃大仙, 觀音, 信佛, 佢地有道德不足之處, 我就好似未見過會俾人鬧.

當然, 基督徒又有無企係審判官的位置上審判罪人呢? 如果有, 就真係抵俾人插呢...

low_787 ar? 激進? lee 個字岩形容你多D wo