瓊瑤d書既內容

以前睇果幾本都唔覺,點知最近睇返後期果幾本...嘩搞咩呀????
d不被世間認同既戀愛都講到好正常

新月格格果度睇到我眼出煙.....大晒呀所謂真心鐘意個女仔就可以唔需要理佢老婆感受咩?
佢地可以一齊死又點?? 果位格格依然係第3者..!! 果位男人依然係有諗過拋妻棄子!!
佢唔諗下點解佢老婆會甘樣..! 居然怪老婆唔比機會佢...真係痴左線!

跟住重有岩岩睇果習..什麼紫貝類...嘩...睇到我呀..最慘係我開左個頭咩書我都會睇埋落去..
點會甘樣架???個女既同個男既都有家庭....之後發現好夾就馬上kiss又話愛佢...
最得意係...佢地只會睇到家庭既唔好,但搞笑在點解當初又要嫁又要娶自己另一半???
個女仔自己無腦架??個呀爺過左身唔開心就可以事但嫁人架啦??? 都唔諗下自己更加有錯.當時絕對可以拒絕.無拒絕就認命啦!!!
今日就話遇到好夾既大家.將來可能遇到一個更夾既甘點算先???
道德倫常太奇怪啦!!! 成日講到佢地愛情好激烈...完全無理過真正身邊人既感受
重去怪佢地唔理解自己同對方既激情..有無搞錯呀??? 佢地遇到對方果陣如果唔係唔理人感受.都唔會情不自禁痴埋對方身邊啦!!
自己唔識抽身.就黎怪自己另一半唔夠明白自己... 太過份啦!!