田中芳樹
我以前睇過銀河英雄傳說全部,同埋亞爾斯蘭戰記,覺得好睇到不得了。不過......
上星期日圖書館借自轉地球儀世界第一二三本。借陣以為得三本好易睇晒啦,點知......
點知愈睇愈好睇,但去到第三本尾陣都覺得幾奇怪,就係個故事應該三本講唔完的。到睇晒之後真係發覺個故事根本就未完,仲要係去到高潮位tim。
咁我就上網搵有冇得借第四本啦,點知圖書館冇;我再上網搵啦,之後竟然發覺..........
發覺個故事爛尾,根本冇出第四本!同埋仲發現原來田中芳樹好多其他作品好多都係咁!
我睇唔到個故事有冇得發展落去,我已經迷入去個小說度,我覺得好似俾人咁,好唔開心!依家睇到一半冇得睇搞到唔嗲唔吊咁。
以後借小說睇之前真係要先check清楚個小說係咪有得睇到尾,唔想好似今次咁搞到唔開心。同埋我都開始對田中芳樹作品有介心了。