新年前肥到130磅，自己都被嚇親，呢一個星期，食得好清淡，今日磅就126.5，足足輕左三磅，我會將減肥進行到底。呢幾日只係食，早餐，一只蛋。午餐，食肉同菜，有時飲下湯，夜晚同中午一樣。咁就瘦左三磅啦
下星期開始要做運動，全力減多D

9/2
早上磅126
早：脫脂奶一杯，咖啡一杯
午：白菜仔十墨魚丸三粒
下午茶：茶葉蛋一隻，因為五點幾食完蛋，夜晚就唔係太肚餓，可以食少d
晚：豐水梨兩大隻
昨日跳繩300下，跳完之後腳好痛，可能平時無乜點做運動，今日唔跳，聽日再跳500下

wa~~~你食得好少喔
5肚餓咩!

咁厲害
唔肚餓嫁咩

節食/ 餐單/ 控制體重*
缺點:捱餓難持久，對難以抗拒美食者難堅持，容易破壞減肥計劃，若果節食方法不當做成身體缺乏營養，令健康會出現以下不良影響：
容易疲倦：不少人認為澱粉質，即飯、粉、麵包是肥胖之源，所以減少進食。結果因 熱量攝取太少，被迫燃燒體內儲存脂肪，以致容易感到疲倦。
頭痛：蛋白質和碳水化合物不足會導致血糖過低，出現頭痛、精神沮喪、心情煩燥等現象。蛋白質不足也會影響身體對細菌的抵抗力。
暈眩：缺少碳水化合物會令血壓下降，因而感到暈眩。身體大量失去水分，也會出現同樣徵狀。
便秘：缺乏纖維素會造成便秘，影響健康。
失眠：因節食而擾亂血糖或胰島素的平衡，導致失眠。
容顏憔悴：過度節食，營養攝取不足，減少肌肉厚度，讓人看來肌肉鬆弛，無精打采。
體重急升：拚命節食長期令身體出現饑餓狀態，身體熱量消耗減少，更令身體增加脂肪儲存量，所謂「積穀防饑」做成瘦得快肥得快。

10/2----12/2
早上磅124
早：脫脂奶一杯，咖啡一杯
午：青瓜+蛋
晚：大量菜
跳繩500下，聽日試下跳800下先，原來做運動很有效果的

13/2-14/2.....123磅
13/2早餐：低脂奶加咖啡
      午餐：細包兩個
       晚餐：去飲，每一碟只食少少
14/2今日情人節放緃自己一日咁多啦
      早餐：燒買八粒
      午餐：唔知係咪胃細左，根本唔想食野。只係飲左杯奶，一d都唔覺得肚餓
      晚餐：訓醒唔想食野(以前訓醒食得勁多野)只食左幾粒提子同一杯奶....之左街，食左少少茶餐廳野

唔瘦就奇啦,食咁少,連人體每日最低限度基本要攝取既1000kcal都唔知有冇
不過你唔可以咁樣太耐,雖然有運動,但你既代謝率亦會被身體降低
(你既身體為左適應超低卡路里攝取,會進入省能模式,適應一個較低既代謝率)
一低左以後就好難瘦,甚至復胖 代謝率決定人體90%能量消耗,低左=消耗少左)
而且早餐先係最需要能量既時候,最低限度食個麵包啦
咖啡雖然加奶,但空肚飲對個胃唔好

15/2....123
     早餐：未訓醒
       午餐：炸醬米線+特濃咖啡
       晚餐：飯一碗
16/2....123昨日食左咁多野，一d都無重到，真好
今日食我三年前試過好有效的西柚減肥餐.....三年前減到最瘦108磅，可惜自己畏食，半年後肥到125，呢兩年都係維持125
   早餐：蛋兩只+煙肉+西柚半只
    午餐：豬仔骨兩大件+西柚半只+沙律
   晚餐：食龍利魚+西柚汁+菜
真係好滿足呀！！！
呢個餐起碼要食夠五日先瘦五磅，五日後再報告

我新年開始的至而家都係咁食，
但無重過，
唔肯定係咪因為做多左運動
(每星期做運動至3.5小時)
如果有一日無做運動，就另一日做多d。

唔知係咪運動可以增加quota食肥野 : P

17/2今日用西柚減肥法第二天
早餐：訓夜左
午餐：豬仔骨十沙律十西柚汁
下午茶：偷食M記及飲脫脂奶
晚餐：西柚汁 十 烚菜大量 十龍利魚
真係超級飽肚，完全唔覺得在減肥

長期唔食澱粉質&糖粉容易有抑鬱