修x堂任bid療程, 又一技倆, 姊妹小心!
又同大家分享下喇:
之前於電視廣告上, 見到修x堂話可於網上任bid, 而且無額外收費, 唔hard sell, 唔使join course, 我咪試下佢既真實囉! 我係網上bid左個減肥療程, 係下半身既, 前兩日下午, 上左去cwb既修x堂, 上到去都無咩客, 但環境都乾淨既, 一路做療程都無sell, 不過時間就唔足, 網上寫明係1小時, 但只缺左45分鐘, 問佢, 佢話, 你頭先用左時間換衫同去洗手間呢... 吓...算啦, 二百幾蚊, 試下咪算囉, 其實我最想知道係佢地會唔會如廣告講咩都唔sell, 哈, 邊有咁筍呀!
換完衫去reception, 已經有位顧問等緊我, 我仲見到企佢對面個顧問同佢打眼色, 我最憎呢d野架喇, 佢叫我幫佢填份問卷調查, 於是帶左去個無敵海景度坐, 一路都係問美容師做成點, 環境點呀等, 之後說同我講, 知唔知有個會員計劃, 佢話有2個plan, 1個係2年既, 包24次中醫睇証, 24次療程, 24次營養師, $4752, 另一個係3年, 全部改為36次, $6480, 佢話中醫係幫你把脈, 你自己去執藥, 我話d藥出事點算, 兩邊都唔認架啦, 佢答話未試過喎, 佢話join會員最大好處就係可以upgrade多你去揀多50項療程, 而且有人跟進, 我話要考慮, 於是又黎喇, 成日問點解呀, 考慮咩呀, 再傾下, 再諗下, 擾攘左5分鐘左右都比我走, 但就問我book唔book多次facial下次做囉, 我就話唔知時間, 自己上網book!
想join瘦身plan之前, 去我個post (減肥達人 - 試過必x站..........有問必答!)睇下先, 知多d, 就算比人呃, 都無計啦???