你地覺得點呀? 我自己就好鍾意 ! 少少 share下自己既感想~
眼影 503 啡金色：個盒本身已經教左你點化, 邊隻色搽邊個位, 個掃上色幾好~ 啡金系列既色好靚~ 最淺果隻金色係界乎淺金同香檳金中間, 真係賣飛佛! 化出黎好好睇, 又唔會好誇張, 又容易 handle~ 啡金既地位真係歷久不衰
mascara 啡色：捲曲度還可以, 但我自己覺得唔夠捲, (可能我只係夾既關係) 增長都ok! 我本身係油眼, mj 我都溶得到架! 但呢個我會比分高過mj~ 隻色又靚, 又唔會痴到一舊舊, 雙頭設計方便搽眼頭眼尾位~ 持久度都ok! 襯埋啡金個眼影真係唔錯
唇膏：我用 504 色~ 我本身唇色好深好黑, 用幾深色既唇膏都假... 所以我自己都好少用唇膏. 不過呢一隻色搽左剛好可以均勻番我上下唇既顏色, 令我上唇特別係唇邊既黑冇咁覺眼~ 另外佢滋潤度都好好, 搽左唔覺得乾~ 如果嘴唇唔係太乾既 sis, 唔駛潤唇膏打底都冇問題 ! 容唔容易甩就一般啦
另外呢個系列仲有胭脂、眼線筆同埋 make up remover, 但呢三樣我就冇試到啦
我自己就好鍾意今季 aube 既野, 覺得佢比上兩季都進步左, 越出越靚~
各位 sis 又覺得點呢?
