奇遇‧偶遇part2
遇到佢過左兩日都仲未收到過佢既電話,唉~好後悔,點解唔係我問佢拎電話呢…等果個永遠最辛苦。點知到左第三日突然收到佢發既sms,內容係『喂喂~你幾時放假呀?』雖然電話顯示無名…但我知道係佢!唔知點解我哩方面既直覺特別準。好多時d客拎左我卡片,即日收到sms或者有人加msn我都會估到對方係邊個。
我回返佢msn『我放星期三、四啊~你呢?』
『我放星期日』
『o....』
佢立即再覆返我『咁你今晚收幾點呀?』
『收七點~但最快其實六點幾都可以走既..』
『咁不如今晚去食飯啦~~有冇d咩提意呀?』(女仔=0=我都未答我得唔得已經問埋我去邊食..
『有冇興趣食芝士火鍋!?』通常人地無意見..或者問我拎意見,我都會將我既最愛搬出黎ya~
『好呀!聽就聽得多~從來未食過~想試好耐傢啦~不過無人帶我去食』
唔係呀?咁靚女無人會帶你去~?請都請唔切啦?
『咁同你去食囉~我知尖沙咀有間好正~好出名~我自己都食過幾次~間直係上癮』
大家一面工作,一面傾sms打發時間,咁樣既一日真係過得好快~發下msg,做下野,等佢msg咁就差唔多收工。到左六點鬆d佢就直接打比我
『喂~我收左工啦~你收幾點呀???』
『我收7點呀~最快應該7點半-8點出到tst』
『哦...咁我係tst行住街等你啦~你差唔到多到打電話比我啦~』
好開心!!估唔到真係可以再見面去食飯~而且仲係食我最最鍾意既【芝士火鍋】呀~ya!收左工之後一馬當先立即去等巴士~上到車無耐又睏著左(我份人好懶睏..搭車基本上好少全程會眼光光)出到去join左佢後,就帶佢去我去開果間--瑞士餐廳。因為佢都係第一次黎~所以全程都係交比我發板。大家一路食,一路傾下大家既近況。因為大家上到中學後已經各散東西,除非同學校,唔係都好少會突然聯絡返。佢入左一間幾理想既中學,係區內黎計都算係band2頭band1尾,一路原校讀到中五~而我…短短五年中學時間只係讀到中四,仲要係五年內轉左三次中學,相比之下~我既成長好似剌激得多吧= =?佢好似好有興趣咁…
食下hea下已經到左十點幾,轉眼已經食左一個鐘多了,個鍋已經比我地食到到哂底~d芝士比我地括清光哈哈。佢都勁鍾意食~仲話上左癮,下次一定要再帶佢黎,哈哈。之後我地就慢慢行去搭巴士送佢返屋企,係巴士上面我地繼續傾返我地既【偶遇】,原來佢本身唔係係元朗返工,亦係第一次入元朗,只係因為工事上既關系所以入左元朗比d貨人,估唔到咁就撞返個十幾年無見既小學同學。(我又何尚唔係呢~好日唔早走..一早走就遇到你..........)差唔多一個鐘既車程都唔夠我地傾計~一路傾傾到佢屋企樓下先停
『好啦到啦~』佢停左係度~望住我
『咁好啦~你上到去比一比sms我啦』
『你過黎呀~~~我講樣野你知』(唔知點解我覺得佢哩刻有d奸- -)
我行左埋去~佢係我耳邊細細聲講『無見咁耐…你靚仔左好多』一聽到…好緊張,突然都唔知點應佢,個心跳得好快,但係佢講完哩句唔夠1秒,我塊面突然有一下濕潤既觸感,佢鍚左我一下!我更加當堂呆哂~原全咁演繹緊【o 咀】兩個字。咩感覺都無,我剩係知我個心跳得好快…好快…快到就黎想爆一樣,好辛苦
『我上去啦~拜拜』佢報以一個煙花式既微笑~就係我視線中消失。過左好耐時間我既心跳都仲未平服得到,好似人地跑完萬米賽跑咁…但當清晰返少少之後,我叫自己唔好太開心,只不過係普通朋友既禮貌吧?大家又無拖手又無講過d咩特別野~所以都唔想令自己諗太多,想太多,拎苦黎辛…返屋企沖個涼之後立即開著xbox打機鬆弛下。