大家有無好方法防小偷?
我公司d人叫我證件個d用掛頸收埋係個身度...係最安全
但我帶約700歐羅點收埋好?? 放喼(酒店)會唔會安全?定帶晒出街??
我d衫無內袋... 點放好呢@@? 大家俾d意見....

我諗住帶700歐羅去... 夠用嗎?
諗住只買少量紀念品, 會去d收費名勝古積(如羅馬個唔知咩場...) 想問收費around 幾多...??
個度食野幾錢?? pizza 意粉個d要好貴嗎@@?  d人話一支水都好貴.... 大家可唔可以分享下洗費??

&五月天氣如何?

你個BUDGET問題好難答喎...去邊個CITY....去幾耐....

我估去6日唔洗700 EURO, 除非你未計你既RAIL TICKET, 我通常呢, 只會帶覺得夠用的錢出街囉, 其他就放係酒店, LOCK係個SUITCASE度, 證件我次次就咁放背囊, 但我係一個大膽既人 (只限於旅行方面)
如果你想CHECK D TOURIST INFORMATION既收費, 上WIKITRAVEL, 打你去個城市, 應該有晒你要既資料, 通常都係幾歐羅架者
去到羅馬, 特別要小心, Central Station, 係唔係叫Termini? 好似係偷野黑點
BTW, 你打算住邊個CITY? Milan?
食野方面睇你個人要求啦, 不過我諗30 Euro左右應該已經可以食得唔差

其實米蘭, 羅馬, 威尼斯同佛羅倫斯
我最驚都係小偷... 我諗我無咁好彩俾人打劫呱...
我地諗住係hk買pass... 到時加幾蚊坐火車.

但我想問意大利係小偷扒你袋d $$ 架炸...唔打劫and成個行李搶架ma@@?

30歐羅一餐.... 咁五日...一日三餐... 咪食左成四千五港元

其實無大家講得咁恐怖,只要自己小心留意d就得,個袋最好"咩"係前面,去到人多地方要特別留意周圍就可以,小偷依家o野,講真去到邊都有,我之前去咗歐洲十日都無事發生。

o野食方面,pizza普遍大約十幾蚊euro一底,夠兩人食,汽水就3~5元euro,不過大至上消費真係幾高,麥當努餐都要7~8元euro一個!我試過同個朋友入咗一間中國餐廳,叫咗兩碗雲吞麵+一罐可樂+一壺茶+一碟炒西蘭花(得幾舊),埋單三百幾四百港幣,而且超爛食!

如果去威尼斯,可以賣人型面具做手信,佢地o既特產仲有玻璃製品,不過都幾貴,至於去羅馬鬥獸場的話,記得千其唔好同出面著咗武士裝o既人影相,一張圍埋成百蚊港幣,超搵笨,所以要切記!(話說鬥獸場無咩好睇,不過有一個小型o既凱旋門係個度),手信可以買d鬥獸場形o既磁石,或postcard之類,約1元euro左右!我之前去咗凡帝崗就係裡面即時買postcard寫連記埋返香港俾朋友,佢入面有個小型郵局,真係又平又有紀念價值!

小心d錢啦總之, 佢唔會對你d信用卡丫有興趣
最危險既我覺得係羅馬
個次入左地鐵1分鐘都冇, 個fd就發現自己個銀包係地下, 入面淨係d錢冇晒囉
同埋我地個次夜晚火車羅馬返米蘭 超恐怖...
一班黑人坐左我地個位 又死都唔肯走
我地搞左好耐先叫到d車長先幫我地, 跟住又話要放d野係我地到咁樣
搞左好耐好耐, 車長幫我地搞掂左啦, 我地坐晒入去啦, 佢地又有人坐正係我地門口咁望住我地....總之就超恐怖啦

唔洗成700歐既, 除非豪華團囉
坐火車應該都係會用左你100歐左右啦, 我之前去晒你去既咁多個city (再多你小小) 都係109歐
pizza 1d都唔貴, 不過係大城市買丫...貴小小囉, 但係十幾歐都買到一大個係夠2個人食咁既... 買水？超市買咪平囉

最緊要丫...記得日日食雪糕丫!! xD
1-2歐1杯!!!
羅馬有間highly recommend
叫Giolitti
係Via Uffici Del Vicario 40 (近住Fontana di Trevi & Pantheon)

LUNCH同BEARKFAST一定唔會咁貴既, 我比你個價係DINNER, HOTEL唔包BREAKFAST咩? LUNCH應該唔會貴
我去GERMANY, 為左捉緊日照時間行街, 幾日無食過LUNCH

我建議錢及passport都要跟身, 唔好放野在酒店, 執房d係咩人都唔知, 點知會唔會偷野? 亦都唔好用酒店的保管箱, 上次我都回過你個post, 散紙, $10, 20, 50放褲前袋, 大紙放掛頸的銀包貼身, 唔好放野在褲後袋, pizza 1-2euro一件, 都好夠飽, 水就1.5-3euro, 我本人就覺得意大利無乜手信好買(可能我要求高), 不過羅馬地鐵真係好黑暗, 無乜燈, 入到車廂要小心, 但又唔好太著跡按住自己個銀包, 無斯顯見斯, 6日去4個地方都好趕, 我上次10日都只係去左3個地方.