遇到戀愛問題，有冇朋友邦到手睇下我應該點做,唔該。
我喜歡左個女仔好耐,雖然不是同事，但因工作關係經常有機會接觸，我相信他是知道我喜歡她的，情人節之前一晚(2月13日)本來想和她表白......
唔知係咪我黑仔，我拿着鮮花在他返夜校的樓下等她，可惜等了很久都等不到,之後才知道原來miss遲到,
遲了一個鐘才落堂，唉...咪玩啦,o甘大個仔第一次揸住札花响條街等女仔咋我,呀miss 。
冇辦法啦,第日我要開工,惟有飛的去佢公司擺低啦,當時已經10:30佢公司收11:00呢個係最後機會,唔係就送唔到札花比佢架咯,好彩最後都趕到(好彩我識曬佢d同事o者)。
我將札花擺左係閣樓，第二日(2月14日)朝頭早就打電話比佢扮哂野話有野要佢邦手去閣樓揾下，我問佢見唔見到有札花响度,佢話見到於是我就話係我送俾妳o既，當時佢即刻大嗌左出黎,話札花好靚仲多謝我，當時見佢o甘好反應我梗係好開心啦,於事咪順勢約佢食飯,但佢話約左人不過係全女班問我介唔介意一齊食，我梗係唔介意啦 ，於是乎約左去接佢收工,但之後又打黎話唔好下次先喎，可能佢d朋友唔想啦，都o岩既其實收綫之後我都有考慮去唔去,得我一個男仔好奇怪嘛！
於是我由第二日開始就sandsms比佢,問佢幾時得閒出黎約佢食飯啦,又問佢近况啦,又有講d關心佢o既說話,每日都sand一個，直到今日......但佢一個都冇覆，本來想打比佢既，但sms都唔覆我怕佢連電話都唔聽，其實o甘係咪代表佢已經拒絕左我而又怕當面同我講怕我難受呢？我應該繼續追佢抑或放棄呢？依家我真係唔知點做，各位睇完之後可唔可以比d意見我呢？唔該哂！
