我個同我個男朋友拍左唔係好耐，佢一直都係大男人，但佢自已唔覺得，有時我聽唔到電話響，之後打返比佢，佢脾氣就唔太好，一係就cut我線，一係就問我你做咩唔聽電話，一係就send sms黎就你係咪有野暪主我，之類。有時我同佢去食飯，有時佢可以講，今次輪到你比錢啦，上次我比左啦，有次重delete曬我電話入面D短訊，又問我，衣個男定女，男仔的話，你地點識，唔好搵佢，之類。佢重要管我好多野，我其實都好辛苦，佢成日小氣到死，我一向都無咩時間觀念，我自已都知衰，佢自已都知道的，有時我遲到左幾個字，佢就黑曬面，我之後同佢解釋點解我遲，佢就唔聽，以前有幾次我同佢講，我聽日要返早，唔出黎食飯，佢就cut我線，唔聽我電話，有時重send d訊息黎問我，你有無野暪主我，點解唔出黎，有時又send短訊黎話，我地分開下冷靜下，轉過頭可以問我你今晚出唔出黎食飯，聽日有咩做。
佢好的地方咪就係專一，關心我。但咁ga人真係好難頂，有次重問我，你msn的密碼係咩，我話唔方便比，佢就話，你係咪有野唔見得光呀，咁點解唔比得，我又問返佢果個密碼又係咩呀，佢又話唔記得左lu，我問你，你答左我先。
同埋我真係好唔鐘意佢次次出親黎都係咁摸我，我唔明，佢夠竟係為咩，有時佢成日叫我話事，佢自已又無主見喎，又被動，又話，你唔主動，我要你主動d，我重要勁就佢，我已經無咩要求，唔會叫佢送野之類，我已經勁就佢，成日都發脾氣咁。第一個情人節又無咩表示，係我講左好多次想要收到朱古力，佢先比，比之前就話，我其實唔鐘意送野，佢又話情人情唔需要送野喎浪費錢連食飯都叫我上佢家食。
最近有新同事想追我，約我睇戲，食飯，佢份人又唔錯，又大方，同成熟，我夠竟接受佢嗎，？？？

相處得咁辛苦...
對方幾專一都係假啦...

你個男朋友都係極品, 係我就唔鬼彩佢一個月...等佢無左你睇德唔德...

請恕本人直言,你男友對你咁冇信心,不如用條鐵鍊鎖住你你喺佢身邊好過囉,喺香港咁嘅大男人可以話著實唔小,對女朋友苛刻唔在講,樣樣都要女朋友就晒佢,冇品就更加係衰到貼地,追女仔出到街,男人俾錢可以話係天經地義,就算佢有幾唔願意俾都好,都唔好直接叫個女仔當場俾錢,俾人聽到個女仔幾咁難落台,係都返屋企兩個人關埋門先講,咁先叫做尊重,連最基本嘅品德都唔識,跟本就冇資格去管人,仲要人樣樣嘢都要向佢交待,點解佢唔問吓自己有冇私隱,有冇嘢冇話過俾你知,如果佢敢話你聽冇嘅話,唔單止呃緊你,仲呃緊自己,仲有唔識諒解女朋友,就係心胸狹窄,係思想唔成熟,就算你勉強同佢一齊,都只有無所適從,都唔會開心,即使你有幾鍾意佢.嘅然而家有其他人追你,我覺得你可以諗吓,我唔係挑撥離間,只係分析利害關係,有個又大方又成熟嘅人出現,希望你懂得把握時機,唔好介意我講咁多有攻擊性嘅說話,如果有唔啱聽嘅話,務必多多包涵,得罪,得罪.

唔該曬你地，我岩我都會開始忘記佢