其實事情就係咁樣,

我鍾意左個女仔好耐,暗戀左佢成三年,我F.1同佢一班,今年已經F.3,

到左今年了,而家正返F.3最後半年,我唔想就咁樣過去,

我好想同佢示愛,其實有一次係聖誕節果日,

我同佢仲有另外一個女同學凌晨五點幾上左山,諗住睇日出,

跟住到左六點幾,另外一個女同學就借左我部電話行開左,

跟住正返我同佢兩個人係山上,果陣我都知係一個超級好機會,

跟住我就捉住佢隻手,講左一大倫野之後,就黎講,其實我愛你果陣,

另外行開左果個女同學突然叫我,話用完電話,跟住叫埋佢過返去,

嘩,我頂,咁既機會就咁冇左,我同佢講野果陣佢冇望過去第二度,咁即係點?

到而家二月了,就黎到情人節,我唔想後悔,我唔想冇同佢講就完左個F.3,

各位大大,你地教下我應該點做好,有乜野計仔可以係情人節度做,同埋點樣同佢講我鍾意佢?

佢性格就係話外向又唔係,但話佢內向又唔內得哂果隻,好鍾意白色。

上次你應該講埋啦...

好有機架你 就14表白啦

其實基本上個日佢肯出黎就ok

要做咩反而唔係咁重要

咁咪14號同佢講囉
你其實已經有表白既心, 只不過上次俾人打左荷包啫
今次就算有幾多人, 有咩人阻住你都唔好理咁多
最緊要講晒你要講既野, 加油.....
(不過都要記得讀好d書呀)

而家約佢情人節,出嚟行街,食飯,送埋花,禮物俾佢,再同佢你愛佢咪得囉...

仲有樣野,其實呢,表白唔使講咁多野架
你之前都講左大輪野添,如果今次約到出黎,就直接d講啦!
或者唔使講,約得到出黎,送埋束花,大家都心照咩事架啦
之後拖下手,攬下或者錫啖就己經成功啦!努力!

我想問…

果日好唔好我篇哂成日既時間表去邊度去果度咁樣呢[?]