人物交代:
A女=我鍾意果個
B仔=我個FD,天生有貧血,要成日入院大修
事情係咁既....我同B仔都識左1X年,咁一直都知道有A女既存在,有傾過電話,MSN果D,見過面...話說聖誕節果日,我地成班FD出去玩,得知到B仔又同左第2個一齊(係B仔同A女一齊既2年內佢地都成日因為B仔有第2個而散,但可惜次次都係離離合合),當然,係呢件事發生之後我都有同A女傾計,陪下佢,關心下佢,久而久知...我同A女大家對大家都開始有FEEL,咁我就開始追求佢,事關B仔巳經有第2個,亦唔怕話咩勾2嫂問題出現,當我好決心咁同佢講話鍾意佢果時,佢答我:我都好鍾意你,但係我個心仲係有B仔係到,你可唔可以等到新年過後,比我考慮下呀?當時我緊係講我會等啦,係聖誕至新年期間,我地有錫,有拖手,仲見埋佢屋企人TIM..可惜,新年過後,B仔有一日講話想媾返佢,A女就同我講,話想比多次機會佢....
而家個事情發展到就係,佢話當佢去搵B仔果時,我唔可以SD SMS,打比佢,唔可以比B仔知道我追緊佢,相反,搵我果時佢當然會聽B仔電話,SMS果D,而A女亦都經常同B仔出夜街,去夜左,就去B仔屋企訓...但B仔將會係2月13號開始入返醫院至復活節...
咁我想問,咁我係應該等落去,定係一早放手?
