|
二星fun會員
 
|
1#
大 中
小 發表於 2009-2-1 21:44 只看該作者
我再唔表白,係咪好廢??
我同女仔A識左半年, 曾經係2個月前表白過, 佢好婉轉咁拒絕左, 而大家都冇芥蒂, 仲好friend, 因為A係一個好純好乖ge女仔, 我覺得好arm我, 所以即使拒絕左, 我都冇放棄, 有機會就對佢好d, 就係咁, 係呢個月, 發生左3件我覺得帶黎轉變ge事:
1) 話說最後一日趕deadline交功課, A遲左, 而且仲要燒碟整理等手尾, 加上一個同佢幾friend ge男同學因為要返工而托佢幫手交(我曾經覺得女仔A鍾意呢位男仔,所以我有少少唔開心), 女仔A係好易緊張同喊ge人, 我見佢咁慌, 即刻幫佢手, 中途阿sir話佢有機會肥佢, 佢終於忍唔住喊, 我一邊幫佢一邊安慰下, 當然最後搞掂哂, 乜事都冇
當晚一大班人睇戲食飯, 玩到幾夜, 我同女仔A又住同一區, 當然打算送佢, 本來諗住行到巴士站就算
點知女仔A話:[不如我地行去總站撘~]
我心諗:[呢度有得撘?點解要去總站?],個一刻有d高興, 可能係佢想一齊耐d掛, 我當然話好, 沿路亦有講有笑, 亦有問佢會唔會行年宵 (重點)
到左總站, 我又重提想佢請我食糖水呢件事, 我諗住講下算,但佢話好, 仲問我一唔一齊行年宵,佢係咁問:
[xx呀, 你年30晚得唔得閒呀?我想去行年宵, 如果你個晚都ok..咁我地...其實頭先一大班個陣我都想問, 不過而家得你係度所以約你....]
我講笑話:[你想約我ja下話~]
佢笑住話: [你唔好拆穿我la~]
不過年30晚佢要陪屋企人行,最後因為太夜我地都冇一齊行年宵, 都幾失望
2) 有日約一班人唱K, 我約佢一齊出去, 出之前因為想籌備一下一位同學ge生日, 所以一齊行街, 去到一間朱古力店,我入去睇, 想睇下有冇適合做禮物ge野,
見到一盒好得意ge朱古力, 佢無端端話: [你送比我la~], 個一刻我以為佢講笑, 笑左佢兩野之後就去另一度, 期間講開買衫, 佢話好耐冇買,又問我會唔會陪女仔買衫, 我話會,冇所謂, 你想ge話我可以陪你,佢就話等佢預備好先
到左當晚活動完左, 又一齊去撘車, 不過今次唔同車, 我送到佢上車後叫佢返到去有時間就比個電話我,目標都係確保佢安全返到去...佢冇打,但係send sms:[終於返到了~不用擔心~謝謝你~=] ]
3)重點事件
終於約到食糖水, 約左係近我個邊, 過程冇乜特別, 戲肉係食完之後:
本來佢請,點知佢唔記得帶銀包, 我比左之後就一齊行, 到應該各自走時, 我想送佢,見多佢一陣,於是問佢:
我:[你撘車定行返去?你想行ge話我可以陪你](我估撘,因為快好多)
A:[行law~但係好遠wo~](原來要行成半個鐘)
我:[有乜所謂~]
行左幾分鐘, 經過一個幾大ge公園
A:[ 不如我地係公園行個圈我放你走la~~](其實我想陪佢行到返屋企)
我地一路行一路傾左好多深入ge野,主要係我鼓勵佢唔好咁易放棄,唔好咁大壓力,我會support佢,以下係一d有d野ge對話:
A:[ 我真係需要有個人成日提醒我唔好放棄]
A :[你快d比d力量我la~](佢伸左隻手出黎,但我唔敢拖,只係拉佢手臂,而家諗起都想死)
A:[好ge男仔邊有咁易搵~有都比人reserve左la~]
出左公園,我問之後點行, 我估會就咁KO,點知佢話個邊,又繼續行,唔通佢唔想我咁快走?之後沿路上有兩樣野好深刻:
1)唔記得乜野話題,但記得佢講: [我知你想見我多d~我明gor wo~你出聲ar ma~haha~]
2)因為太凍,我講笑話食多碗熱糖水就好la, 佢竟然話好,我心諗:[一晚食兩次?],又叫我係屋企樓下等佢, 之後一齊去食, 言談間講開大家鍾意乜野類型
異性, 我講完心目中加分ge異性,佢話:[我係wo~~],個一刻我話:[我知~],但都唔敢講,佢又話聽日有個活動唔想去,唔知有乜籍口,我話不如約佢去睇戲,佢含住啖糖水用食指做個一字,我以為佢話:[得我同你?],點知佢話:[得一樣節目ja?],之後我話約佢去睇衫,佢都似話好,不過第二朝佢冇去活動,因為太累,亦都冇一齊去睇衫
3)食完再送佢返去,本來應該散ge閘口位,佢話密碼鎖好煩,行另一邊入,原來另一邊又係密碼鎖,佢又話再兜正門,最後真係兜左一個大圈,,佢仲問:[你識唔識行返去ga?][真係?~],先真真正正分開
其實個女仔係咪明示到不得了??
|
