無論幾多西片fans柴台, 《家有喜事2009 》就係贏左香港票房, 亦橫掃東南亞.
《奇幻逆緣》都未係個皮.
谷德超在《嘩嘩嘩打到蒞》自述,
話要為香港觀眾著想, 又要諗東南亞市場, 又要諗大陸南方人口味同北方人口味,
實在太難遷就.
但覺荷里活電影係華人全部都中意, 似乎係共通.
所以就想學學用荷里活的方式去拍一套笑片, 可以同時食三地市場.
得唔得?
睇下大陸市場
http://forum.awc618.com/showthread.php?t=7403
劉德華《游龍戲鳳》在香港大敗, 但在大陸大勝奪冠,
票房已經一億五千萬.
第二係大陸片《瘋狂的賽車》及《喜洋洋》動畫.
《家有喜事2009》只有第三第四.
西片就輸到無影.
即係谷德超失敗左, 無法同時贏哂所有市場.
《家有喜事》只能在香港、廣州、星馬贏, 即係都係廣東話--香港電影文化世界.
喜劇、笑話, 果然係就有文化隔幕的.
當然, 我自己都唔覺有咩荷里活味 =P 明顯係香港人的節奏就真.
的確如谷德超所言, 成套片最遷就香港人, 切頭切尾係港產片.
即係《律政英雄大電影》整幕去韓國搵車, 係想吸韓國市場, 但擺明係套日劇.
同《游龍戲鳳》比, 應該輸明星,
劉德華始終係全中國最受歡迎. 舒琪亦因為《悲誠勿擾》而爆紅.
《家有喜事》就無乜明星喇.
正如黃百鳴所言, 如果周星馳肯演, 的確出多多錢都值.
大抵只有周星馳呢粒星先可以在大陸同劉德華一較高下.
劉德華好快會變大陸明星喇.
《游龍戲鳳》都唔注重香港市場, 個名都唔改個吸引香港人的. 宣傳又無.
甚至無去星馬上演.
如果去星馬, 只會比《家有喜事》再掃多鑊.
世界只以市場論英雄.
劉德華幾貴都好, 一億五千萬票房就乜都值啦, 劉偉強發達喇.
《家有喜事》比較起來只能算係刀仔割大樹,
黃百鳴都係大賺, 但就賺得少喇.
