本人最近做一份工.人工有$16000一個月.港大畢業.無工作經驗.1月才找到這份工.是一間大公司.本來$16000對一個剛畢業的大學生都不算少.但大家看完以下的經歷後.便知我點解咁憤怒了.

見工前.僱主登出來的招聘的人工是商議.到了見工的時候.我要求$20000元一個月.之後老闆說我無經驗.不應該咁高.應該由低做起.所以他給我$16000一個月.近排個市咁差同埋找左咁耐先找到工.便接受了.

到了工作的時候.見到有舊同學一齊做.真是很高興.大家都是無經驗.

到了出糧的時候.不開心的事便發生了.就是我的舊同學竟然高我$4000元人工.即$20000一個月.我知道之後.便立即問佢面試的情況.聽完之後發覺無論問題同商議人工的情況都是一模一樣.我的朋友都是要求$20000一個月.但老闆竟然答應........

大家都是無工作經驗.又是second up畢業.條件一樣的情況下.為何會受到這樣不公平的對待?

整係有一個問題問返你.....

你個朋友幾時入職架?

如果o個陣係好景氣既,咁無得比架wor!!
你都叫做有16000啦,依家咁既時勢,好好架喇......

其實呢的只是在商言商﹐點算賤? 議價是一種技巧﹐怪只怪你自己議價能力不如人而已。

講甘多做咩啊?
你自己agree 個價就等於你自己已經接受左,
之後響度抱怨?
夠膽就唔好做找過另一份

是你自己確定價錢嘛, 你唔一早"企硬", 又要怕失業, 又覺得人工少,你自己的決定都要話人?我認為你自己先諗你自己的問題先啦, 俾老細講一講就縮, 好喇縮左又覺得唔"低".我估大學生唔係這樣呀,連自己的工作薪金低線都沒有o架?

唔覺得有問題...

各位好似誤會左我的意思.


我的朋友係無企硬的.佢一講老闆就即刻接受他的提議的.但我就不是囉.


我問個朋友.如果佢這樣被老闆拋.佢都要接受我而家這個人工囉.


我接受這個價時.是完全不知情的.

港大畢業生, 咩叫給人工給得咁賤?
自己唔盡力爭取就話人賤, 你朋友interview 既情況都係佢話比你知, 點解你咁肯定你朋友interview既情況同你一樣?
就算你所想的都係事實, 咁都仲有好多可能性, 老闆覺得你朋友值2萬就得啦

樓主﹐自由市場價格係要靠自己或者經理人爭取﹐真係唔可以話人 "賤" 同冇道德囉﹐
做的成績出來然之後去再去叫 review salary 囉。

想問樓主major讀乜?
成兩皮野fresh grad...

其實如果吾知你同學搵幾錢會吾會覺得冇問題呢..
其實LEE個世界上同工吾同酬既例子太多...我建議你無謂同人地比較...你自己知道"$16000對一個剛畢業的大學生都不算少"就已經足夠了....