轉左新公司唔好彩遇到D小人!
話說上年十二月轉左一間新公司工作,全公司唔計老闆計埋我都係得四個同事,初初諗住得咁小人唔會咁多是非啦!
點知做落就一肚火,首先講講自己背景先啦,我係做機電工程既,本身有A牌,都做左呢行幾年,可以獨立工作,而另外
三個同事,一個係工程主管,一個係同我一樣有個A牌,而另一個就係岩岩出嚟做野既學師,首先就講下果個學師,佢真
係不知所謂自己咩都唔識,又唔俾心機去學下野,成日偷懶,偷懶本身就唔關我事既,但佢就似住自己入嚟早過我就成
日點我做呢樣做果樣,真係好不知所謂,連最基本既電力裝置都未搞得掂竟然係度扮師父,我記得見工時老闆重叫我
有時間教下佢,佢咩都唔識架!我諗老闆世都估唔到依家係佢教返我轉頭,呢D小朋友好難學到野,因為無果份工作既
熱誠,所以我都好小理佢,另一個攞A牌果個"輸苦"就更不知所謂,成日係老闆面前扮勁,扮叻,成日怕我威脅佢,所以就
一開始以經唔喜歡我,有次同佢一齊去做一單工程,佢就扮晒大佬咁指揮,架生袋又唔攞,梯又唔攞,係前面插住袋行,
而我就又攞梯又揹架生袋,佢連一句駛唔駛幫手都無,果一刻我覺得呢個同事真係好有問題,到做既時候佢又話,你做
呀,我睇住你有錯我會出聲,嘩~~~我聽到真係好火,大佬呀,你識既我都識,大家咁高咁大你駛唔駛咁呀!我即時黑面
而佢就企係度睇住我做,唉~~~如果唔係出面咁難搵野做,我真係唔想係呢度做,每日都好似俾佢兩個玩咁,好彩工程
主管係一個好人,佢職位高,品格好,我同佢一齊做野,佢都一定幫我揹袋或攞梯,一D架子都無,工作時又大家一齊研究
唔會話個人主意,唉~~~果兩件垃圾如果都好似佢咁我諗呢份工會好好做,我會做得好開心!有無師兄師姐同我一樣都
萬到呢種小心,而你地又點去面對佢地!
