今次再講日本啤,因為係小弟在未病時常飲的,而呢次的yebisu金罐啤係小弟在銅鑼灣崇x百貨地下買的,當然平均一罐都比港啤貴,同樣係日本sapporo啤酒株式會社之產品.................



這罐啤酒寫住ALL MALT BEER,同埋寫住麥芽100%,可以話係全麥啤,又睇下倒出來又係點啦......



倒出來幾濃但唔係太苦,飲落麥味比一般係香港飲開的啤酒濃,層次感幾足加上有番幾分德國啤酒風,係一種純樸田園粗豪感但質感唔粗糙架,可媲美於一些老牌德國啤,同上次講的SAPPORO生啤有唔同感覺........

當場好酒要配好食物,又係講下我媽媽煮的晚飯啦.......樣樣都美味啦!

1.左下角---隔夜雜錦
2.右下角---咖哩薯仔
3.左面---腐球炒菜
4.右面---冬菜蒸銀鱈魚
5.上面---蝦醬蒸豬肉

是日八場心水選擇:
第一場:
2.吉祥寶駒-此馬見外檔改用放頭戰略結果最後被三刀王所擒,好可能係此馬能望空走.今場有第一好運,火鳳凰放頭下點講都好跑過上次.

是場心水:
2.吉祥寶駒-1.多津美-9.凱旋煌-12.奇泓小子

第二場:
10.翠妙星-此馬上場唔係跳一跳的話好可能入到Q,隻馬禮哥跳兩段爽到七彩,馬又靚今次跑千八對手又唔係太強下慢閘都唔怕

是場心水:
10.翠妙星-1.火耀雷霆-4.綠駿之威-6.巴圖魯

第三場(高班賽分析)
2.孖寶神駒-安廐+神駒+韋達+隻馬晨操落腳輕身但力度充足滿貫四肢,冇得飛啦
3.至勇名駒-今場會多馬放但得八隻馬應該會易跑,現在此馬跑一千最佳下點都要諗
6.魅力漢子-老馬勉強仲有啖火加上今場有實力之馬的確唔多,勉強作配

是場心水:
2.孖寶神駒-3.至勇名駒-6.魅力漢子

第四場:
3.京城之威-跑田草都第四都真係非常難得,老馬壯身冇頹態今場回谷草有望再勝,今場仲有樣好係對手實力大多有疑點或狀態未夠下黃金機會

是場心水:
3.京城之威-1.寶威威-5.威財寶-10.駿冠

第五場:
1.飛將軍-上場雖然慳位追近但最後一百係曾經受阻,今場有4檔會易走生位加上同場對手在佢減十磅後明顯減弱下,如此馬出場時情緒唔急的話勝望在握

是場心水:
1.飛將軍-7.電子精英-9.當旺-10.龍武軍

第六場:
5.緣是燦爛-上場又塞,買左真係只有怨句冇運,今次9檔望走生位會較安全,馬身收得夠肉地而且出腳定而力夠下,希望能補得中

是場心水:
5.緣是燦爛-3.權勇駿-11.浚鋒天河-12.重量級

第七場:
3.星際雄師-上場隻馬走開外疊最後轉彎飛出五疊最後轉個SHORT HEAD真係啤一聲,今晚此廐獨出一隻只要守到好位下,應該贏得

是場心水:
3.星際雄師-1.金剛小子-7.馬友寶-12.經典再現

第八場:
11.富有心得-老馬跑得到現在都算叻仔,狀態平穩有回神氣,今場仲有樣好係超級減磅.加上今場有一堆快馬同一堆純後上馬,此馬今次檔唔差如守得馬林中間真係乜事都可以發生

是場心水:
11.富有心得-2.功力勁-6.金鑽龍華-8.嘉飛

惠比受 (好似打錯哂 )  的確唔錯!

支持

thx....

樓主, 我本人飲開 朝日啤(ASAHI)   

河馬仔post乜都有,好正呀