各位大哥
小弟e家跪求你地 幫幫我....
小弟我鍾意左一個女仔
其實我同佢識左5年 但係真正比較熟絡就係3年
話說我好耐之前鍾意佢 之後佢同我講佢唔鍾意我
隔左幾個月 佢又話鍾意我 我當時仲好鍾意佢
於是我地就係埋一齊啦 我地做得最親熱既動作都係擁抱(其實只係係玩激流個陣 佢坐係我後面擁抱我炸)
不過大約3個月後 佢就突然對我唔好
之後有一日 佢就同我講佢唔再鍾意我
我當時唔知點解佢唔鍾意我(多數都應該係我問題啦 如果唔係點會飛我)
我地之後做番朋友
但係之後我又鍾意番佢 (可能我係當初種下既情根種得太深)
上到中學之後 佢入左男女校 我就入左男校
佢係f.1個陣話鍾意左一個f.4既男仔
其實e家我唔知佢地係點(佢口口聲聲話無男朋友囉)
不過直到e家我地係f.2
我都依然係仲鍾意佢 而佢又好似唔發覺咁
其實可能我e家係佢心目中只係一個朋友 只不過係有時幫佢解下悶 或者出下街
不過相比起佢e家d中學同學 係佢心目中 我可能係最低級
直至到頭先 我問佢情人節個日有咩做
佢就話 :唔話你知
我問佢係唔係陪佢條仔
佢就話 :我話唔係你信唔信
我就話:你咁講 睇黎係既機會比唔係既機會大
佢就話:你中意點講就點講
我就話:咁你用你最真誠既心答我囉
佢就話:點解一定要答你
我就話:我無話一定
佢就話:好牙唔答
我就話:咁我明白啦
佢就話:明白乜野
我就話:我唔夠資格知個答案
佢就話:下...你咁講我幫唔到你
之後我地就無講野
我知道e家可能佢有鍾意既人 或者佢有男朋友
但係我係唔係繼續咁等落去呢?
我已經等左2年 我唔知點算好
所以我e家想同佢再表白
我知道要一個女仔同之前已經拍過拖既男朋友復合係好難
更何況我e家既case 可能比李小龍復活仲難
但係我決定試下
所以我係度請求各位

我應該點樣表白
1我係用msn同佢講 定係用sms,電話,約出黎同佢講,寫信.....?(我之前試過寫信比佢 不過佢無應我)
2我應該用咩對白,係唔係直接咁講我愛你?定係我講:我好想同你再係埋一齊 定係點呢?
3我應該幾時同佢表白,情人節?佢生日?我生日?定係是旦一日?
4如果係約出黎 我應該約佢係邊?海皮?公園?定係邊度?
5如果係約出黎 我洗唔洗跪佢?
6如果用電話 我同佢講左我愛你之後 佢收線咁我點做?
7如果用msn 或sms 或寫信 佢唔應我 咁我點做?
8如果係約出黎 我同佢表白左之後 如果佢話唔愛我 我應該點做同講咩? 立即走?定係點?
9如果係用msn或sms講 佢話左唔愛我之後 我應該講咩?
10因為我有係佢親戚度學野 咁如果佢話左唔愛我之後 我仲應唔應該再係個度學?
11如果真係李小龍可以復活 我可以成功左既話 如果係約出黎 佢同我講佢愛我 我個陣應該點做同講咩?
12如果係係msn或sms度成功左既話 我應該講咩?
13如果真係成功左 咁我地應唔應比雙方家長同我地d朋友知呢?
14如果真係成功左 我地應該幾時出黎去一次街呢?一個星期?每一日?
15如果真係成功左 我地應該點相處呢?應該幾時拖手,擁抱同吻?
16有d女仔鍾意男仔管佢多d 有d女仔鍾意男仔唔洗點管佢 我唔知佢想點 咁我應該點做?
17係唔係凡事都係順佢意先 保留我自己既意見? (e.g.去睇戲比佢選先?)
18可唔可以講下 無聊既時候 我地可以去邊?玩咩野?做咩野?食咩野?
19可唔可以講下 例如記念日個d既時候 你地會做咩?
20因為佢係讀男女校 我讀男校 會唔會比較易出現第3者呢?如果會 我應該點防治?
21如果係用sms或msn講 成功左既話 我個陣應該講d咩同做d咩?講多謝?同約佢出黎?
22因為佢成日講 唔知 ,我問佢某日得唔得閒 佢都係答唔知 咁請問有咩方法可以破佢呢(千其唔好hurt到佢)
23如果當我地吵架既時候 請問我應該點做?
24點樣先可以令我地相愛長久d呢?
25第一次約會去邊好呢?
26我表白個陣 洗唔洗講埋我為佢做過d咩?同點努力法?
請各位大哥注意
小弟係想各位幫手解決以上既問題 請唔好講一d唔關以上問題既野
唔好向我解釋我會唔會成功
我想盡量做到完美 所以個d問題可能問得詳細左d
我唔想再失多次機會呀/__\
而最上面個篇野 只係俾各位做個參考
小弟已經決定左要表白嫁啦
小弟e家跪求你地 幫幫手

洗乜稔咁多牙-口-
msn最好(我覺得)

但我覺得個女仔真係唔係幾掂
唔好鬧我-.-

我感覺上....果陣時同你講鐘意你, 跟住同你一齊...
可能係玩玩下...可能係彌補內心既空虛...可能無鐘意過你

PS:::我的直覺姐

用電話 講我愛你之後立刻cut線,之後見機行事 唉:我留msnla
ericma416@hotmail.com

-.-嘩 洗吾洗甘緊張
依D女仔甘..-_-唉!
你真系等吾等都罷

搵過第2條女仲好啦!!~

多謝你地既分析
分析e家野小弟就心領了
我決定左表白嫁啦
我希望各位可以幫小弟解決我問既問題
小弟今生難報

其實點解仲要表白 !? 我真係唔信佢feel唔到你中意佢..除非佢係d無腦既, 咁更加唔洗表白..同d白痴一齊無結果

雖然係就係狠心d..都要講句, 佢一定知你中意佢, 你咁樣講野法,

好老實講你有一套model answer都無用...點解 !?

因為你唸咁多唸住曬d答案, 去到個d情況, 你一定緊張..一陣搞到自己亂曬龍仲衰,

往往步處好曬都仲有突發既難題, 你憑住d model answer到時唔識執生咁點 !?

如果你口才好好既就唔需要係e度發問..係唔係 ?

第1. 你既心態抱太大希望了, 抱住平常心既態度會好d

第2. 記住家陣你只係一個普通朋友, 無任何權利約束佢 !

第3. 有計劃係好, 我有興趣答曬你d答題, 因為我曾經都試過追返自己心愛既女人, 小小問題都覺得係d大問題,
     
      係就係辛苦d架喇, 就算追唔返都當上左一課會令自己思想更加成熟d, 我就追得返家陣仲好好, 希望你都

        追得到^^

      但係1-9既問題都未解決之後既野唸黎都曬9氣, 所以我都廢事答

第4. 你第5個個問題, 男兒膝下有黃金, 你跪黎做乜q?你家陣只係佢朋友, 你咁做好無謂 !

       而且同逼佢同你一齊咁無分別, 一陣佢怕左你仲衰..之後見都無得見

最後一句..你今日所努力既未必有成果,但係必定有回報, 個天好公平,

因為我都試過曬, 曾經親手斷送左一段拍左年幾既感情, 更傷害左好多好多人,

報應都嘗過曬, 還曬了, 最後跟現在的女朋友一路好好, 都已經拍了1年多,

所以你要加油, 就算失敗了也不要緊, 當上了一堂課, 人生經歷必經的階段