想找藉口來恨你;- 男生永遠不憧女生的真心;(
有點長呢;怕悶就不要看吧-;
這段感情對我來說已成記憶了吧
第1.2次見面係學校既project;
我地讀唔同centre所以每個禮拜6先有機會見到.
第3次因為某d原因冇去.
首先我係識左佢地centre既1個女仔先-MOMO-
初時我都冇留意呢個男仔(提子)但係MOMO問我覺得佢點我先留意佢.
當時MOMO咁問我,.女仔既直覺話我知佢係鍾意個男仔.
不過佢否認.仲話個男仔係鍾意我.
我冇為意.我都冇再返個個PROJECT
有1日個男仔問MOMO叫佢比我MSN佢.
之後我地就傾MSN.3個多小時.
跟住佢問我拎電話我冇比到佢.佢就偷睇MOMO電話黎拎我電話SMS比我
當時我好驚喜亦都開始同佢變得無所不談
第3次見面係有1日我同MOMO出街.點知個男仔冇返到工特登出黎搵我地!
當日MOMO早走.我同提子第1次獨處
佢不斷搵藉口咁唔想我咁早走.
之後個日朝早佢過左黎尖沙咀搵我食早餐.
佢住灣仔.讀銅鑼灣.佢咁早過黎搵我.當時有點感動.
跟住落黎既十日我地都日日見.
就算我地未1齊佢放學都會過黎荃灣接我放學陪我返尖沙咀
最後佢做左好多野感動左我.我地1齊左.
我冇同MOMO講因為怕尷尬.而且提子都唔係1個鍾意講自己野既人
最後MOMO知左我地1齊.佢竟然嬲左我幾日
當時我唔明點解佢要嬲,但係之後終於明了..
我同提子KEEP住日日見.雖然有時我話不如你去搵朋友OR冇野做就唔使特登過黎搵我.
但佢都堅持要咁.因為佢唔想有1日見唔到我,
我D脾氣幾差佢都忍.我咬佢唔會反抗.隨傳隨到.佢係真係冇怨言咁對我好.
不過我唔識珍惜.有1日佢想同D同學玩夜D唔想過黎接我.
個1次佢第1次唔哄返我而發脾氣.不過我1講分手佢即刻挽留我,
我亦都知道自己錯了.
我D同學都話佢係傻GE.對我咁好.
不過我已厭倦呢種日日見既生活.
不過復合之後大家既愛明顯少左.而且做到唔會日日見啦.
我又開始唔習慣.不過佢仍然愛我,對我咁好.
不過佢係1個有咩都唔會講出黎既人.就算我地之間有問題想要討論.佢都會逃避.
可能係咁.大家既問題收收埋埋越黎越多.最後我說出了第2次既分手
呢次佢並冇留我.我問佢點解.佢話唔知點做.唔知自己想點.
過左2日我忍唔到佢唔俾回應我.繼續逃避.我SD左1個SMS比佢
SMS內容係話我決定唔會再逼佢講同唸自己想點.很長的1個感受
但結果佢講左1句對唔住我地分手啦.我對你已經冇愛.
當時我即刻問自己點解男仔變得咁快.佢之前明明仲對我咁好.,咁愛我.
但而家可以決心離開我,而且冇1齊返既機會.
佢知我仲鍾意佢的,
之後我話同佢做返朋友.佢話好怪.咁我話等時間過左再講啦
佢又話唔好叫我地試下先.
不過我而家根本唔敢主動搵返佢.因為我唔想比佢以為我係個D死纏難打既女仔.
其實我根本就做唔到放低佢.明明係自己講既分手但係我後悔了
只懂得喊.怪唔到任何人.因為係我放手先.
分手後時間過得特別慢.無聊.夜晚好空虛.無時無刻都唸起佢對我既好
1唸到以後再冇呢個對我好既人我只有喊..當時心痛既感覺真係好痛,,
當MOMO知道我地分左手.佢講話提子1早想分手.但係佢唔想講HURT到我,所以會繼續忍.
MOMO仲話自己越黎越易有內疚感.因為佢收埋左好多野冇講出黎比我知
個1刻我先知我比呢個女仔陷害左.
佢一直都分化我同提子.搞到大家好多誤會.連最後既分手都係佢間接唔話比我知提子想點而做成
提子之前一直希望我改.但係我唔知.
我好唔甘心.因為我唔係輸比自己.係輸左比1個攻心計既女仔!
momo而家扮哂可憐話我屈佢.話自己根本就唔係d咁既女仔..而且仲話比我咁講搞到佢好唔開心
掉返轉頭黎話我醜化佢.人心真是太可惡了吧!
不過我而家唸通左..
其實佢鍾意1個人冇錯..只係時間錯左..而且鍾意1個人既時候係盲目既..根本唔知做緊既野係傷害緊人
因為佢當時只會在乎佢鍾意個個人既感覺!雖然我係受害者.不過比著我係佢..其實心都會很難受吧!
P.S 女仔講分手都係想男朋友哄返佢.留佢.並不是真的想分手吧...
我個FD話過男仔未追到個女仔時感覺係上升既,但追到手就會跌返落黎,
但女仔感覺原本係平淡既.當1齊左之後感覺就會慢慢升.就算分手都一唔會變..
一齊既時候就當你係寶,分手你就係草.所以拍拖既時候就算個男仔愛你多D.但分手傷得你最狠個個都係佢.
男仔冇左媾過第2個就會冇事..但女仔可能會記住1世-)
而且當1個唔再愛你既人..你做既野講既野佢都會唔岩聽.覺得你係多餘既!
