[轉帖]★ 親身經歷
o係我讀幼稚園o既時候,dadi同mami就分開左
我就被迫咁跟mami住,其實我好鍾意dadi,我好想同佢一齊住,我想跟佢多d
dadi o個陣係同嫲嫲一齊住
佢地分開左o個兩年我成日都冇返以前屋企過夜
有時dadi夜返,我訓左o係廳,佢返到泥都會抱我入房訓
之後會請假帶我去玩
玩完又會將我送返去mami度
之後因為我要去對面海讀書就冇返嫲嫲度
小學三年級o個陣,有幾次我話想搵dadi,mami就同我講dadi冇返屋企搬走左
叫我唔好去嫲嫲度訓
因為有好多野狗(我o個陣好驚狗,不論大狗定細狗)
直到小學六年級,我o係屋企亂摷野o個陣我搵到一個黑色o既索袋
裡面放左一個銀包,我覺得個銀包好熟口面
打開睇下...裡面有dadi張駕駛執照o係放相o個格...我認得出個銀包係dadi o既...
我有不詳預感,但係一路同自己講...可能銀包好dadi送俾mami,張執照可能係俾mami keep住,因為已經過左期
但係我再打開...裡面有dadi張身份證...o個d可以接埋o既電話薄...仲有過左好多年o既六合彩彩票
我再睇下個索袋...裡面有封信
係個船主寫俾mami o既,內容係dadi有一次o係船度做野o個陣不慎跌左落海
由於未搵到屍身,未能証實死亡
所以依家作出聲明,會賠償金額,搵到屍身又會再賠償金額
我睇完之後呆左...
三年泥我一路都以為dadi同mami協議分開
dadi冇搵我可能佢有自己o既生活
我估唔到原來佢三年前已經死左
我喊左好耐,亦都好嬲
點解唔同我講???o個個係我親身爸爸,點解唔同我講???佢憑咩唔話我知,佢憑咩要呃我三年???如果我o個日唔係亂摷野,我諗我會俾人呃一世...
三年...dadi死左三年...我一無所知...
我冇同媽咪講我搵到封信...
四年...我自己嬲左佢四年
呢四年我成日都講大話激佢,呃佢
中四o個年,表姐mami過左身,dadi又有第二個女人,所以過左泥我屋企住左一排
有一晚表姐同我傾計,佢問,"其實你屋企得返你同你mami兩個人,點解你成日都激佢呃佢???既然得返兩個人互相坦白都唔難丫"
我反問"咁點解佢要呃我,我一個大話講一兩日,點解佢個大話講到今日都未講完,點解佢仲未坦白"
我同表姐講我知道左o既事,表姐係dadi o個邊o既親戚,所以其實佢都知
一直唔知o個個係我,就只係我一個被蒙在鼓裡
佢同我講,叫我試下企o係mami方面度諗
可能佢自己o個陣都未接受到呢個事實,又點樣可以好冷靜咁同我講呢
或者人大左...我真係試下向佢o個個度諗...都嬲左四年啦...
中五o個年家長日,學校又好老土咁叫我地寫封信俾家長,家長日俾佢地睇
成班都好求其寫,跟住就畫公仔整靚張信
我係成班唯一一個冇畫到公仔就咁寫完就直接交
我寫左呢五年泥我o既感受,呢五年泥我好討厭佢,但係最後我會同mami一齊過生活
呢個已經係冇辦改變o既事實,dadi在天之靈我諗佢等左我呢個決定好耐
雖然依家同mami都有鬧下交
不過關係好左好多
