【轉帖】★ 黐脷根 Tongue tie
脷根原是一個非常有彈性的組織；但若果天生脷根的組織天生過短、過粗、過緊或過闊，都會對整組口腔肌肉的運用，進食及發音有深遠的不良影響。
如何評估黐脷根的程度
要初步斷定是否需要剪脷根, 除了看脷根是否接近脷尖的位置外,
當小朋友有一定的理解能力時, 可以試下叫佢伸脷出來;
若脷尖不能接觸下門牙的話, 幾乎可斷定一定要剪脷根.
醫學上要評估黐脷根的嚴重程度是可由脷尖的升高距離作為参考；
根據其中一個美國的評估標準 Kotlow Assessment，
脷尖由脷底升至最高點有 16mm 以上為正常
Class 1 (12-16 mm) => 輕微
Class 2 (8-11 mm) => 中等
Class 3 (3-7 mm) => 嚴重
Class 4 (<3 mm) => 完全
當然不同學派會有不同的評估標準，例如發音學會用發音的準確程度來評定。
但大家不必深究，一嚟我都識唔哂，二嚟有個基本概念便可以了。
幾時需要做手術？
幾乎無人可以講到幾時做手術係最好；若果脷根短到進食有困難，就越早做越好。
當然接受手術的年紀越小，言語能力受到的影響也越小。
要做手術, 唔係唔得, 但如何選擇手術年紀係最困難;
年紀太少就要"整暈佢" (聞麻醉氣體), 但相對嚟講要專科醫生先做到, 亦比較貴.
一係就大啲先做, 好處係行為上較易控制, 但相對需要言語治療的機會亦較高.
若果使用激光儀器的話, 剪脷根是不用流血和打針的, 只需塗點外用麻醉藥即可.
附件: 您所在的用戶組無法下載或查看附件
