到今日相信都仲有好多人講緊"香港音樂就係唔掂",我都有講,個心依然係咁認為
有人會話"你了解唔夠深"或者"其實地下音樂好好",不過仲未有人講"香港音樂好好"
我一年前仲0係外國讀緊書,讀音樂,同學問我係咪日本人,我話係香港人,結果比人笑"Are you sure you are a musician?" 我自己係夾BAND既,比人咁講,真係好唔開心...係咪香港音樂真係唔好?
好多人都話只聽外國BAND,其實,外國好多BAND都係一般...反思後發現,問題會唔會係0係我地身上?
美國為例,好多BAND,因為地大,人自然多,點同香港?不過,就係因為咁,我地更加唔應該用外國同香港比較,其實美國好多省份都係無BAND...另外,就係香港人既心態,有幾多人真係支持香港BAND?點解唔同STYLE會出現岐視?連自己人都唔支持自己人,會好咩?人地玩Metal好,Rock好,Hip Hop好,Emo好,Jazz好,Blues好,Pop好....佢地都係音樂人,點解唔支持?
香港樂壇係商業,係事實,但係無計,舉個例,我簽一個歌手,$20,000一個月(假設),簽一隊BAND(4人BAND),$80,000,你點選擇?如果我照比$20,000,邊隊BAND咁叻會簽?唱片公司係可能會比你自己創作,不過可能會連你既著作權都羅埋,咁仲簽唔簽?
而且,好多年輕人唔鍾意"健康"BAND,但係"唔健康"BAND0係依個政府之下係等於唔可以玩音樂,唱片公司想幫你都愛莫能助
仲有,其實有幾多人真係鍾意音樂呢?大把人係為左型,貪新鮮,無野做,扮有STYLE,想與眾不同,追女仔,想出名,想做份唔駛"做"但有錢既工作而玩音樂,依D人注定失敗,呃到人呃埋自己都呃唔到音樂...然而佢地唔肯接受自己唔掂,唔去虛心改善反而轉牛角尖去攻擊香港既音樂同音樂人,五十步笑百步,以為自己聽D野難玩過人地既就等於自己勁過人?
一個社會等於一大班人,一大班人等於一個社會
怨大局既同時,會唔會自己都應該反省一下?
純粹個人睇法
