本人8月買左一間2001年既 every仔...
唉, 我又無經驗..點知買左返黎...7勞8損....
行行下龍翔道無'迫力''..後面車尾喉出哂煙...拿拿林車去九龍城搵間車行整,
師傅話水箱有問題, 條喉有問題, .又話要o係日本訂原裝喉...整左我個幾月8000蚊,,上星期攞返架車 ,行左一日....又有''火羅''味...再返去九龍城車行問師傅..又話個''打拿磨''有事...要我換...換左$1200.....再攞返架車2日....而家又撻唔著,...........舊電池我換左2個月左右咋..
有無人可以同我分析下係咩事出錯...OH MY GOD~

小妹覺得......換過間車房最實際
every 呢類車比較少水貨,直情先去返鈴木檢查一次最穩陣
樓主唔好透露邊間,但小妹直言呢間唔係呃錢就係無料
當然......7 年車, 隨時係比人玩到殘驗唔到車求求其轉左手就算
最壞打算係......買個教訓啦

但我而家已經換左我好朋友既車房CHECK緊...
而家大大話話都用左萬幾數..如果再去SUZUKI廠CHECK的話...好甘呢...我買EVERY仔返黎都係$29800咋.....
真係一個好大既教訓..而家唔知點算好..

咁站在用家角度,似架貨 van 又唔係大部,法定載客上限 7 個
放低 D 椅又可以放好多野,曾幾何時小妹都有諗過要黎代步
不過以 1300cc 黎計坐滿 7 個都幾係野,仲要係 4 驅
小妹曾經見過有人用架 every 飛到架車搖搖貢真係驚佢反
如果遇著有良心車房肯同你由頭到尾驗一次, 花多少少錢買個安心把啦
架車行行下唔識行最多停埋一邊,唔見錢事少,撞到人或者比人撞又或者唔識停先大件事
期待你整好之後上黎報喜

我住新界..要黎代步..我都見過有人揸EVERY仔太快行到'旭''哂...
我自己都好慢既...
其實都好後悔出左EVERY仔...我一個女仔HANDLE唔到..
我朋友既車房CHECK好整好..而間車又乖乖地的話..我再留MSG比''小妹'' ^^

其實除左比一般四門私家車高同好似大部 D 之外, 我實在搵唔到理由
"handle 唔到", 講長佢又唔係比私家車長 (3675 x 1505 x 1915)(mm) 2009 年 civic (4503 x 1753 x 1435)(mm)
但係座高比一般私家車高,平常駕駛以至泊位可以睇的範圍都感覺好過私家車
講輸出,更加唔好玩啦, 1300cc 四驅想佢有幾大爆發力呢?
唔好比個外觀呃到,其實大唔過普通私家車的
小妹都唔知幾懷念當年學客貨車果陣個大觀景

遲左
其實你講既問题同佢壞既野好似沒咩關係
可能係架車位難呢

我朋友大check 過every 仔啦...無問題bo...上次撻唔到既原因...係因為個電池無電....問題唔大...雖然個電池都係o係九龍城一次過換既...可能又比人呃...換左個唔係新既比我啦..

恭喜哂
咁可以講下覺得呢架車對你有乜為難呢?

如果佢乖乖地...就其實幾係架...我成日覺得..倒車泊位睇唔到...不過多數係我技術問題..哈哈..anyway...佢乖乖地就好啦

可以考慮車尾加塊望地的鏡, 又可以泊車果陣開門伸個頭出去望後
我成日都係咁的