polyu鬼故-----鐘樓(真人真事)
相信大家都聽過or知道呢間大學其中一個最出名既地標係鐘樓(近圖書館),而我地亦好鍾意係果度等人,但發生果次事件之後,我地就真係以後都唔敢再係果度約人啦。
有一次黃昏,我約左人係鐘樓度等人,果位女同學約左我630pm等,而我就衝入去圖書館影印,希望可以盡快影完之後出去行街~ 半個鐘之後,我影印完出番黎,見到我同學行開左,唔係鐘樓度坐,反而行左去圖書館對面果位圍牆度企係度,個樣仲好驚咁。咁我問佢做咩事啦,佢就係咁拉住我,我果陣仲好大聲話:唔通有鬼咩!講啦!!(諗起都驚驚地)到我地搭火車搭番去九龍塘既時候,佢先至細細聲同我講,問我信唔信有鬼,我話我信呀咁。之後佢同我講,原來佢由細到大,一直都有陰陽眼既,所以見到鬼唔奇,但佢就冇諗過連鐘樓都見到!我同學係鐘樓下面坐係度等我既時候,坐坐下,聽到有人叫佢個名,仲要係係耳邊,左右耳一齊聽到:「sally...........sally....」咁叫佢,佢望下隔離,咩人都冇,再企係度,冇見唔到有人,亦見唔到我踪影,咁佢繼續坐係度等啦。隔多陣,佢又聽到有人叫佢個名,今次唔係左右隔離,係係上面傳落黎,佢向上一望,立即連命都唔要就衝左出去圖書館果邊。原來,佢向上望既時候,係見到有個呀水泥工人坐左係鍾樓頂,兩隻腳係度fing fing下,佢個樣雖然好蒙,睇唔到5觀,但我同學就feel到佢係望住佢對住佢笑...所以我同學就一支箭咁走左去圖書館果邊,當佢回頭望番個鐘樓既時候,就已經咩都唔見啦~~
