PCCW (網上行+nowTV) 送6M大騙局:
本人身受其害投訴沒人回覆, 希望能公開PCCW的惡行及喚起其他受害人士一齊到消委會投訴, 事原: 本人在2007年同時登記使用 PCCW (網上行3M+nowTV), 那名Sales說網上行寛頻可由3M免費升級到6M,合約上亦列明這一項, 於是我一直使用, 雖然速度好慢, 但一來我住村屋無選擇, 二來係人都話網上行慢所以都無留意, 一直到約滿前6個月有第二個Sales打電話來搵我提早續約, 先至揭發左呢件事,

[重點: 我獨立比兩份錢去用這兩個服務就應該得到應有的服務:

1）nowTV中選購的頻道能暢順地播放 (頻寛應由PCCW負責提供)
2）網上行寛頻上網(從3M升級6M的頻寛)
原來所謂免費升級到6M是因為收看nowTV會扯左4.5-5M的頻寛, 即係話上網只剩1-1.5M的頻寛, 亦即係唔單止頻寛無大到反而少左, <這是我打電話到網上行技術支援親自求證的>, 咁即係我比一份錢睇nowTV, 再比多份錢來買頻寛支援收看nowTV, 而我實際的上網速度只能有1-1.5M, 除非熄左nowTV唔好睇咁樣就可以有6M的上網頻寛, 不過咁樣又好荒謬, 既然我比兩份錢點解我唔可以同時享用這兩個服務呢?? 我一直投訴至今, PCCW一直都說跟進但就一直都無處理, 依家nowTV都已到期(我無再續), 唔知PCCW係咪想不了了知]

在此呼籲所有PCCW (網上行+nowTV) 送6M大騙局受害的用戶到消委會投訴,
<如有懷疑請先打電話到網上行技術支援查詢情況是否屬實>

快D打電話到網上行技術支援查詢啦!

我的情況一樣.
我用網上行好多年,因為咁我係所謂嘅Netvigator One 客戶,因此送3M比我用,所以total有6M用.

點之上年我地加埋nowTV之後,我發覺屋企人一睇nowTV我上網就勁慢,打去問pccw,佢地話我個plan得3M係咁架啦.我話唔係喎明明你地話free upgrade to 6M 架,跟住佢地先話係,我有6M.

跟住我投訢點解nowTV整到我上網咁慢,佢地先話係會用咗我3M到, 仲話 '不過我地都送咗3M比你啦' 真係火都嚟x埋, 咁我話我比緊174去用寛頻,又比緊199去睇nowTV,但點解而家變相每次只可用期中一種服務呢?我要求佢地分番開2條線比我, 點知佢竟然話咁要額外再比錢. 同埋佢地話一係叫師父上嚟睇吓係咪關nowTV事先.  終於師父上嚟, 開機check,今本一開nowTV就用咗4.5-5M....咁點上網呀!!!!!

我諗住轉用hkbn,但唔知會唔會有問題如果keep住睇nowTV.....再唔係就連now都cut埋....啲咁衰嘅公司, 對客人唔付責任,對員工唔付責任, 對社會唔付責任!!!!!!

幾年前有個朋友PCCW做技術員..從佢口中得知..就算你用緊1.5M如果同時有用now電視服務..你就已經自動升級到6M
因為1.5m根本推唔到個機頂盒....當時有個親戚新玩上網所以即時叫佢申請3M加now電視..(有幾個免費台睇種)
裝好之後我幫佢費左now機頂盒武功只接駁上網..經測試證實真系有6M用..所以D推銷員同你請免費升級到6M系多餘
但依家想搵番D3M送電視就真系好難!!!!!!可能樓主唔知頭唔知路比人搵左丁都唔知....哈哈

大家唔好坐視....一齊到消委會網站投訴:
http://www.consumer.org.hk/website/ws_chi/complaints_and_advices/how_to_complain/howtocomplain.html
再到電訊管理局投訴:
https://apps.ofta.gov.hk/apps/complaints/complaint.asp?lang=chinese
打一個投訴唔使你好多時間, 再一次動員網上力量爭取返我們應有的權益,

正打電話去電盈投訴中~-----------------------

投訴有理~足知揾埋個經理傾~佢話睇下俾返d咩優惠俾你~
已取了他的直線電話~員工NO.~

嘩....你咁厲害....我前前後後都攪左成三個月都無咩人理,
你一打電話去就搵到人幫你, 真是佩服...............
請pm他的直線電話~員工NO.~給我 或電郵給我吧!
andrewccy@gmail.com

申請寬頻送個電視俾你睇算系錦啦...
你唔睇既話..距系俾足個M數你架哦...
而且HKBN個電視都系錦架啦...只不過距既M數高你先唔覺上網慢..
但系都會用你寬頻黎睇電視架!!

送既野系錦架啦...唔想占用就另外俾多D錢黎分開頻寬哦!!

樓上兩位師兄. 我係獨立比兩份錢去用這兩個服務 nowTV ($228/m) & 網上行3M($190/m)
佢唔係送比我架! 如果無收錢我都無理由投訴啦!